Barranin
ARA: It-tieni tieġ irjali din is-sena – il-Prinċipessa għażlet libsa li turi l-farrett f’daharha

Bint il-Prinċep Andrew u Sarah Ferguson – il-Prinċipessa Eugenie żżewġet lill-maħbub tagħha Jack Brooksbank fil-kappella ta’ San Ġorġ f’Windsor. Dan hu t-tieni tieġ din is-sena għall-familja rjali Ingliża.

Il-Prinċipessa Eugenie hija d-disa’ eredi għat-tron.

It-tieni tieġ irjali fil-Kastell Windsor din is-sena. Wara l-Prinċep Harry u d-Dukessa Megan f’Mejju li għadda, il-Prinċipessa Eugenie u Jack Brooksbank ngħaqdu fiż-żwieġ fil-kappella ta’ San Ġorġ fil-preżenza tar-Reġina Elżabetta II, il-Prinċep Philip u 850 mistieden.

Fiċ-ċerimonja t-tenur Andrea Bocelli, akkumpanjat mill-Orkestra Filarmonika Rjali, kanta l-Ave Maria.

Wara ċ-ċerimonja l-koppja ntlaqghet mill-folla li nġabret tul it-toroq li jagħtu għall-kastell. Madwar 1,200 membru tal-pubbliku kellhom il-privileġġ li jsegwu t-tieġ fil-ġonna tal-Kastell Windsor. Il-Prinċipessa Eugenie hija l-iżgħar wild tal-Prinċep Andrew u Sarah Ferguson, id-Dukessa ta’ York.

Il-koppja ċċelebrat flimkien mal-mistednin f’riċeviment fid-dar tal-familja York, f’Windsor Great Park. Fuq għażla tal-għarusa, il-libsa kixfet farret fuq darha li huwa l-marka ta’ operazzjoni li għamlet meta kellha tnax-il sena biex tikkoreġi l-iscoliosis.

Il-koppja ltaqgħet fl-Iżvizzera fl-2010.

Aħbarijiet Oħra
Barranin

Dan hu l-mument fejn it-tarbija tat-twelid li ngħatat l-isem ta’ India nstabet f’basket tal-plastik f’Georgia l-Istati Uniti. Kienet il-bikja rqiqa tagħha li wasslet biex residenti fl-inħawi fejn intrema l-basket joħorġu…

Barranin

San Francisco sar l-ewwel pajjiż fl-Istati Uniti li pprojbixxa l-bejgħ tal-e-cigarettes. Dan sakemm ikun ċar x’effett għandhom fuq is-saħħa. Nhar it-Tlieta li għadda ġie vvotat biex ikun illegali li bejjiegħa…

Teknoloġija

Għall-ewwel darba, il-kumpanija tal-Facebook qablet li tagħti informazzjoni ta’ utenti Franċiżi li huma suspettati li jiktbu kliem ta’ mibegħda lill-Qorti meta tkun mitluba. Sal-lum il-ġurnata, Facebook ikoopera mal-Qrati Franċiżi fuq…

Barranin

It-taħditiet dwar il-kummerċ li se jsiru bejn il-President Amerikan Donald Trump u l-President Ċiniż Xi Jinping mistennija jiddominaw is-summit tal-G20 f’Osaka l-Ġappun meta ż-żewġ mexxejja se jiltaqgħu fl-aħħar jum tas-summit…

Aktar