Lokali
ARA: It-tifkiriet tal-festa ta’ San Pawl jinġarru minn ġenerazzjoni għall-oħra

Iċ-ċelebrazzjonijiet esterni tal-festa ta’ San Pawl komplew waranofsinhar bil-marċ tradizzjonali mill-Banda La Vallette u filgħaxija segwiet il-purċissjoni bl-istatwa ta’ San Pawl.

Il-festa ta’ San Pawl fil-Belt ta’ kull sena tiġbed lejha mhux biss il-Pawlini Beltin, imma wkoll nies minn diversi lokalitajiet. F’din il-festa, it-tifkiriet, l-emozzjonijiet u n-nostalġiji jinħassu sew l-aktar fost il-Beltin.

Dr Ray Bondin, ex President tas-Soċjetà Filarmonika Nazzjonali La Valette qal “dil-festa dejjem kellha element qawwi nazzjonali u naħseb dan huwa punt importanti ħafna. Hija xi ħaġa sabiħa immens li tara membri tal-Parlament miż-żewġ naħat tal-Kamra jiġu hawnhekk jagħtu qima lill-qaddis kbir tagħna hux hekk għax li San Pawl għamel tliet xhur hawn hija xi ħaġa tal-għaġeb għalina.”

Filgħaxija segwiet purċissjoni bl-istatwa ta’ San Pawl fit-toroq ewlenin tal-Belt bil-Pawlini quddiem l-istatwa jkantaw l-innijiet tradizzjonali tal-patrun tagħhom.

Il-festa tan-nawfraġju ta’ San Pawl hija waħda minn tliet festi Pawlini li jiġu ċċelebrati f’Malta fejn titfakkar ukoll il-konverżjoni tal-Appostlu Pawlu u l-martirju tiegħu.

Aħbarijiet Oħra
Relazzjonijiet Industrijali

Il-President tal-Union tal-Infermiera u l-Qwiebel, Paul Pace, qal lil TVM li jista’ jkun hemm żblokk ma’ Steward Healthcare biex l-MUMN tkun tista’ tneħħi d-direttivi ta’ azzjonijiet industrijali lill-carers fl-isptar Karen…

Politika

Il-President George Vella llum iltaqa’ mal-President tal-Awstrija; Alexander Van der Bellen, waqt li qiegħed għal żjara fl-Awstrija. Il-President Awstrijakk tkellem dwar ir-rabtiet b’saħħithom bejn iż-żewġ pajjiżi u kif dawn komplew…

Kultura

Illejla qed jiġi inawgurat il-presepju tradizzjonali Malti fi Vjenna. Dan il-presepju se jkun esibit f’wieħed mill-ikbar swieq tal-Milied fl-Ewropa. Wara li kien għall-wiri fil-Pjazza tal-Vatikan fl-2016, fil-Pjazza tal-Maxtura f’Betlem fl-2017…

Kultura

Tela’ s-siparju fuq id-disa’ edizzjoni tal-Festival Żigużajg, li ser isir fuq medda ta’ għaxart ijiem. Din is-sena mal-130 artist qed jieħdu sehem f’numru ta’ proġetti artistiċi, li fi kliem id-Direttur…

Aktar