Barranin
ARA: It-tqala ma xxekkilx lil Kate milli tilgħab il-hockey

Il-Prinċep William u martu Kate, li qed tistenna t-tielet tarbija f’April, komplew biż-żjara uffiċjali ta’ 4 ijiem fl-Isvezja u n-Norveġja.  Huma u jduru minn post għall-ieħor, mhux l-ewwel darba li l-koppja rjali rat kif tipprova titħallat man-nies kemm jista’ jkun u fl-Isvezja ma kinitx eċċezzjoni.

William u Kate ittantaw jilagħbu l-bandy, li hija logħba Svediża li tixbaħ lill-ice hockey, fil-park ta’ Stokkolma li minħabba s-silġ huwa ideali għal dan l-isport.  Wara li ngħata ħjiel ta’ kif jintlagħab il-bandy, William irnexxielu jiskorja darbtejn minn tliet ċansijiet li kellu.  It-tqala ma xekklitx lil Kate milli tipprova tiskorja wkoll u minn 3 tentattivi rnexxielha tiskorja darba kif jidher fil-filmat hawn taħt.

Minbarra ħin għall-isport, il-Prinċep tal-Ingilterra u martu kellhom diversi appuntamenti, fosthom laqgħat mal-familji rjali tal-Isvezja u n-Norveġja, kif ukoll mal-mexxejja politiċi tal-pajjiżi Nordiċi u żjarat fil-bażi militari tar-reġjun.

William, li huwa t-tieni fil-linja tat-tron tal-Ingilterra, serva mal-forzi armati Ingliżi bejn l-2006 u l-2013 u ħadem bħala bdot tat-tiftix u s-salvataġġ qabel beda jiffoka fuq id-dmirijiet irjali tiegħu mis-sena li għaddiet.

Huma mistennija jżuru wkoll l-Istitut ta’ Karolinska fejn se jingħataw iktar tagħrif dwar kif l-Isvezja tindirizza l-problema tas-saħħa mentali fost iż-żgħażagħ.  William, Kate u l-Prinċep Harry ta’ spiss jagħmlu kampanji ta’ kuxjenza dwar is-saħħa mentali tant li wara l-mewt t’ommhom tkellmu fil-pubbliku kemm-il darba dwar it-trawma li għaddew minnha wara l-inċident fatali ta’ iktar minn 20 sena ilu.

 

Aħbarijiet Oħra
Barranin

Indoneżjana li tilfet lill-għarus tagħha fl-inċident tal-ajruplan tal-Lion Air ki kkraxxja fil-baħar ħadet ir-ritratti tat-tieġ waħidha. Intan Sayari u Rio Nanda Pratama kellhom jiżżewġu fil-11ta’ Novembru, iżda l-ħolma tagħhom sfumat…

Barranin

Fir-Renju Unit il-grupp Action on Sugar għaddej b’kampanja biex jiġu pprojbiti l-milkshakes kbar li għandhom aktar minn 300 kalorija. Huwa qed jirreferi għalihom bħala freak shakes. Il-grupp stħarreġ dawn il-milkshakes…

Barranin

Il-gvern Taljan qed jisfida lill-Kummissjoni Ewropea u qal li se jżomm il-pjan li fassal għall-budget. Id-Deputat Prim Ministru Matteo Salvini qal li l-miri dwar id-defiċit għal 2.4% tal-prodott gross domestiku;…

Barranin

Fil-ġurnata li l-Italja hi mitluba tibgħat budget ġdid lill-Kummissjoni Ewropea, wara li dak oriġinali ma ġiex aċċettat, jidher li l-effett fuq il-bwiet tan-nies qed jinħass. Ħwienet tal-kafè f’Ruma qed jgħidu…

Aktar