Barranin
ARA: Itellgħuh fuq il-palk u jbellah lil kulħadd bil-kitarra

Il-kantant ewlieni tal-Foo Fighters, Dave Grohl, ma kienx qed jistenna li daqsxejn ta’ tifel li tella’ fuq il-palk kien se jisraqlu x-xena. Mill-mument li dan it-tifel ingħata kitarra elettrika f’idejh, ħalla lill-udjenza mbellha.

Il-filmat ittieħed minn raġel li sitt xhur ilu kien parti mill-udjenza waqt kunċert f’Kansas, fl-Istati Uniti, iżda kiseb popolarità kbira fl-aħħar jiem meta ġie ppubblikat minn paġna tal-mużika segwita minn eluf kbar ta’ nies.

Viżibbilment impressjonat bit-talent ta’ dan iċ-ċkejken, Grohl iddeċieda li jirregalalu l-kitarra.

It-tifel fil-filmat huwa Collier Cash, li għandu wkoll paġna fuq Facebook li permezz tagħha jxerred is-siltiet li jdoqq. F’kumment taħt il-filmat, Collier qal li din kienet l-isbaħ ġurnata ta’ ħajtu, u li Grohl kien l-aqwa raġel li qatt iltaqa’ miegħu.

Dan it-tfajjel juża wkoll it-talent tiegħu biex jiġbor fondi għal tfal morda, speċjalment għall-ħabib tiegħu Super Bo, li jbati minn kundizzjoni ġenetika tant rari, li t-tobba semmewha Bo Syndrome, għalih.

One of the best things ever!!!

Gepostet von Brian Gittings am Freitag, 12. Oktober 2018

Aħbarijiet Oħra
Barranin

Fl-Ukrajna, il-Partit tal-President Volodymyr Zelensky mistenni jirbaħ elezzjoni bikrija u jsaħħaħ il-qawwa politika tiegħu. L-exit polls qed juru li l-partit tiegħu se jikseb maġġoranza parlamentari iżda se jkollu bżonn ta’…

Barranin

Ixxandar recording ta’ konverżazzjoni bejn frejgata tar-Royal Navy Ingliża u bastimenti tal-forzi armati Iranjani, mumenti qabel it-tanker taż-żejt Ingliż inħataf fil-Golf nhar il-Ġimgħa. Fir-recording, bastiment Iranjan jgħid lil HMS Montrose…

Aktar