Lokali
ARA: Iwaddab xkora karti kollha insulti lejn il-membri tas-Soċjetà Mużikali Peace tan-Naxxar

Il-President u l-Kumitat tas-Soċjetà Mużikali Peace tan-Naxxar, ikkundanna l-att li sar dalgħodu kmieni, fejn twaddbu ammont kbir ta’ karti mimlija insulti lejn is-Soċjetà u l-Membri tagħha.

Fi stqarrija, is-Soċjetà qalet li dan l-aġir sar wara li fil-jiem li għaddew il-Kumitati taż-żewġ Għaqdiet tal-Banda fin-Naxxar urew sinjali ta’ għaqda reċiproka fejn żaru l-Każini ta’ xulxin. Huwa għalhekk li s-Soċjetà temmen li min wettaq dan l-aġir ma jridx li s-Soċjetà tkompli taħdem flimkien għall-iskopijiet tal-individwu li ddeskriviet bħala ”imsejkna”. Qalet ukoll li tinsab iddispjaċuta li għad hawn min irid ikompli jiżra’ l-firda u l-mibgħeda fin-Naxxar.

Il-Kumitat qal li se jieħu l-passi kollha meħtieġa skont il-liġi filwaqt li appella biex kull min għandu xi informazzjoni jersaq ‘il quddiem biex din il-persuna tinqabad, titressaq u tirrispondi għal għemilha.

Il-Kumitat tal-Għaqda Marija Bambina, Banda Vittorja min-naħa tagħhom ħarġu stqarrija fejn ikkundannaw dak li seħħ.

Is-Sindku tan-Naxxar, Ann Marie Muscat Fenech Adami avviċinat il-Membri taż-żewġ għaqdiet u ħadmet biex sar it-tindif meħtieġ.

Aħbarijiet Oħra
Għawdex

Ċifri li kiseb TVM juru li nhar Santa Marija, il-kumpanija Gozo Channel operat mad-90 vjaġġ, żieda ta’ 14-il vjaġġ fuq l-istess jum is-sena l-oħra. B’kollox nhar il-Ħamis qasmu lejn Għawdex…

Qorti

Żewġ żgħażagħ Ingliżi li m’għandhomx residenza fissa f’Malta, tressqu l-Qorti akkużati b’pussess ta’ droga li nstabet f’ċirkostanzi li ma kinetx għall-użu esklussiv tagħhom. L-ispettur Anthony Scerri ppreżenta bħala evidenza kważi…

Infrastruttura

Minkejja li normalment fil-ġimgħa ta’ Santa Marija ħafna negozji u ħaddiema jieqfu għal ftit mistrieħ, Infrastructure Malta xorta waħda baqgħet għaddejja bil-bini tal-ewwel flyovers tal-Marsa Junction Project. Fil-fatt, f’dawn l-aħħar…

Aktar