Eurovision
ARA: Jista’ jsir il-Eurovision 2019 f’Ġerusalemm?

Il-Ministru Iżraeljan, Michael Oren, li jinsab Malta fuq żjara uffiċjali, qal lil TVM li Ġerusalemm m’għandhiex ir-riżorsi u l-faċilitajiet biex tilqa’ l-Eurovision.

Għalhekk, huwa qal li x’aktarx, il-festival tal-mużika jkollu jseħħ f’Tel Aviv. Dan qalu wara li kien mistoqsi minn TVM dwar fejn se jsir il-Eurovision li jmiss wara li Netta għamlitha fatta li se jittella’ f’Ġerusalemm.

B’dan il-mod, il-Ministru Oren qal li nkunu qed nolqtu żewġ għasafar b’ġebla waħda għaliex filwaqt li jintgħażel post li jista’ jilqa’ l-festival, se jiġi evitat ħafna diżgwid.

Ara wkoll:

Ikomplu jikbru r-relazzjonijiet bejn Malta u Iżrael