Kurżitajiet
Ara jekk hux affordabbli btala fl-ispazju

Il-kumpanija Orion Span ħabbret il-pjani għall-ewwel lukanda lussuża fl-ispazju.

Hija ħabbret dan waqt is-Space Summit f’San Jose California. Il-lukanda Aurora Station hija mistennija tilqa’ l-ewwel mistiedna fl-2022 u se tkun f’forma ta’ stazzjon spazjali li kapaċi jżomm sitt persuni kull darba. U l-vaganza fl-ispazju mhux se tkun irħisa. 12-il ġurnata fl-Aurora Station jiġu jiswew ftit inqas minn $10 miljun kull persuna.

Il-kumpanija Orion Span qalet li diġà bdiet tilqa’ l-bookings b’depożitu ta’ $80,000. Qabel l-avventura fl-ispazju, kull turist irid jagħmel kors ta’ tliet xhur fil-faċilità tal-kumpanija fi Houston Texas. Il-kors huwa wieħed intesiv u jgħallem lill-parteċipanti anke kif jagħmlu esperimenti u kif ikabbru l-ikel fl-ispazju.