Infrastruttura
ARA: Jibda x-xogħol fuq it-tqegħid tal-ewwel pedamenti għall-pontijiet fil-junction tal-Marsa

Beda x-xogħol fuq it-tqegħid tal-pedamenti tal-ewwel żewġ pontijiet minn 7 li ser isiru fil-proġett tal-junction tal-Marsa. Dawn iż-żewġ pontijiet li se jwasslu minn Triq Aldo Moro għal Triq Garibaldi mistennija jkunu lesti sa nofs is-sajf.

Bdew l-ewwel xogħlijiet fil-Flyover tal-Marsa għat-tqegħid tal-ewwel minn 460 struttura rinforzati tal-konkos u tal-azzar infandin fit-triq li fuqhom iridu jistrieħu t-42 pilastru tas-7 pontijiet li ser ikun hemm f’din il-flyover. Dawn ix-xogħlijiet qed isiru bejn il-barrikati li qed jifirdu l-karreġġjati li minn Triq Aldo Moro jagħtu lejn Raħal Ġdid u Santa Luċija. B’dan il-mod it-traffiku li jgħaddi mill-inħawi mhux qed ikun affettwat b’dawn ix-xogħlijiet.

Il-Perit, Walter Portelli qal ”għaddejjiin bl-excavation tas-sit u bdejna nagħmlu l-piles taħt kull bażi li mbagħad inkunu nistgħu naraw il-kolonni u finalment nistgħu naraw it-travi u nillestu d-decks. Hekk imbagħad jieħdu t-traffiku.”

Il-Perit Walter Portelli kompla jispjega li l-ewwel żewġ pontijiet se jwasslu minn Triq Aldo Moro lejn Triq Garibaldi. Skont il-Kap Eżekuttiv ta’ Infrastructure Malta, Frederick Azzopardi dawn l-ewwel pontijiet mistennija jkunu lesti u jintużaw sa nofs is-sajf. Il-periti responsabbli mill-proġett spjegaw li din il-fażi mistennija tkun maqsuma f’ħames fażijiet. Dil-parti tal-proġett qed issir taħt is-superviżjoni ta’ kuntratt li ntrebaħ minn kuntratturi Torok wara sejħa għall-offerti.

F’konferenza tal-aħbarijiet, il-Ministru għat-Trasport u l-Infrastruttura Ian Borg qal li din il-fażi tal-proġett b’7 pontijiet mistennija tiswa 70 miljun ewro b’ko-finanzjament mill-Unjoni Ewropea. Dr Borg iddeskriva dal-proġett bħala l-ikbar investiment fuq kwalunkwe arterja fin-network tat-toroq Maltin li se jibdel għal dejjem il-mod kif Malta tħares lejn l-infrastruttura tat-toroq. Huwa ppjanat li l-proġett kollu għandu jkun lest lejn l-aħħar tas-sena d-dieħla.

Aħbarijiet Oħra
Lokali

Tim ta’ ħmistax-il professjonist Malti f’Londra jinsabu qrib li f’isem Puttinu Cares jixtru proprjetà fiċ-ċentru ta’ Londra b’għoxrin appartament għall-pazjenti Maltin li jitilgħu għall-kura fl-isptarijiet ta’ Londra. Il-Perit Mark Borg…

Lokali

Bis-sħana tkompli tikkarga u b’aktar nies ifittxu x-xtut u l-bajjiet, l-iskart f’dawn il-postijiet jiżdied ġmielu anke jekk l-uffiċjali mill-Ministeru għall-Ambjent qed jinnutaw titjib meta mqabbel mas-sena li għaddiet. Minkejja li…

Lokali

Surġent u sitt kuntistabbli tal-pulizija li kienu jaħdmu fit-taqsima tat-traffiku tal-korp illum tressqu l-Qorti b’akkużi ta’ frodi u dikjarazzjonijiet foloz b’rabta mal-extra duties għall-kontroll tat-traffiku li kienu miftehma jagħmlu fuq…

Lokali

Il-binja l-ġdida fil-kumpless il-ġdid ta’ San Vinċenz De Paule, bdiet tilqa’ l-ewwel anzjani fis-swali ġodda fjamanati li huma mgħammra bħas-swali ta’ sptar. It-trasferiment tal-pazjenti qiegħed isir f’fażijiet, bil-biċċa l-kbira tal-anzjani…

Aktar