Ambjent
ARA: Jibdew jitħawlu s-siġar taż-żnuber fit-Telgħa tas-Saqqajja

Wara li lbieraħ Infrastructure Malta qalgħet siġar mejta fit-Telgħa tas-Saqqajja biex tagħmel il-wisa’ għal siġar ġodda, illum beda x-xogħol ta’ tħawwil.

Dalgħodu TVM żar il-post u seta’ josserva l-kumplament tat-tneħħija tas-siġar il-mejta, kif ukoll il-wasla ta’ għadd ta’ siġar żgħar taż-żnuber li bdew jitħawlu mill-ewwel fil-post.

It-tneħħija ta’ siġar għal proġetti infrastrutturali ħolqot kontroversja fl-aħħar ġimgħat. Infrastructur Malta dalgħodu qalet li, minbarra s-siġar taż-Żnuber fit-Telgħa tas-Saqqajja, se jitħawlu wkoll 539 siġra indiġena oħra fl-Imrieħel, Birkirkara, Ħal Balzan, Ħ’Attard u Ta’ Qali bħala parti mill-proġett tas-Central Link.

Ara wkoll:

Jitneħħew siġar mejta fit-Telgħa tas-Saqqajja biex jitħawlu siġar ġodda