Barranin
ARA: Jifqgħu l-vetrina tal-ħanut b’karozza biex iwettqu serqa f’Londra

Raġel fir-Renju Unit weħel 10 snin ħabs wara li nstab ħati li wettaq serqa armata minn ħanut tal-ġojjelli f’Londra.

Il-filmat tas-serqa ttella’ fuq il-midja soċjali mill-Pulizija Metropolitana tal-pajjiż, u juri l-mumenti drammatiċi li fihom il-ħallelin faqgħu l-vetrina tal-ħanut u baqgħu deħlin ġewwa bl-SUV b’kollox.

Mill-SUV ħarġu tliet persuni b’wiċċhom mgħammad, li marru fuq il-bankijiet u bdew ikissrul-vetrini u jiġbru l-ġojjelli.

Meta ġew biex joħorġu ’l barra mill-ħanut, sabu persuna mill-pubbliku li bdiet tipprova twaqqafhom. Għalhekk kissru l-bieb tal-ħġieġ u ħarġu jiġru minnu, fejn fil-filmat jidhru qed jiġu segwiti minn persuni li kienu fuq il-bankina.

Ben Wegener, ta’ 34 sena, wieħed mill-ħallelin, inqabad minn dawn in-nies u kien ikkundannat għall-ħabs.

Aħbarijiet Oħra

L-istudenti ta’ Madonna dell’Asilo qed igawdu veduta mill-isbaħ u arja nadifa hekk kif intlaħaq qbil li l-lezzjonijiet flok isiru fi klassi f’ambjent magħluq, isiru fuq il-bajja ta’ Vasto. It-tfal, wara…

Il-Ministru għall-intern Franċiż qal li l-attakk b’sikkina li seħħ ilbieraħ f’Pariġi fejn indarbu serjament raġel u mara li jaħdmu għal kumpannija tax-xandir, qed jiġi meqjus bħala attakk  terroristiku. L-attakk seħħ…

Fir-Renju Unit, surġent veteran tal-Pulizija nqatel b’tiri ta’ arma tan-nar f’Londra. L-uffiċjal miet kawża tal-ġrieħi li ġarrab f’sidru waqt li kien qed jarresta lill-aggressur. L-aggressur ta’ 26 sena spara lilu…

Mara tqila fi Florida, fl-Istati Uniti, ma ħasbithiex darbtejn biex taqbeż fil-baħar u ssalva lil żewġha hekk kif ratu jiġi attakkat minn kelb il-baħar. Il-każ seħħ il-Ħadd li għadda, meta…

Aktar