Lokali
ARA: Jilbsu ta’ super eroj biex iferrħu lit-tfal rikoverati l-isptar

Mal-faċċata ta’ waħda mill-binjiet tal-Isptar Mater Dei, dalgħodu niżlu għadd ta’ super eroj. Dawn kienu membri tal-grupp tal-Iscouts tal-Mosta f’inizjattiva sorpriża għat-tfal li fil-btajjel tal-Għid jinsabu rikoverati l-isptar.

Spiderman, Superman, Wonderwoman, Batman u Robin . . . Dan huma wħud mis-super eroj li s-Sibt filgħodu niżlu mal-faċċata tal-isptar Mater Dei f’inizjattiva ta’ abseiling organizzata mill-grupp tal-Iscouts tal-Mosta biex inisslu tbissima fuq l-uċuħ tat-tfal rikoverati fl-isptar.

L-Assistant Group Scout Leader, Sean Bartolo qal ”Minflok just ninżlu aħna u nieħdu gost aħna, ridna bl-isport tagħna, bl-isport tal-abseiling inferrħu t-tfal fl-isptar Mater Dei u l-kostumi hemm minnhom sponsors, hemm minnhom tfajna fuq Facebook min jista’ jagħti u hekk u bdew ġejjin.”

Spiderman kien kuntent li ta daqqa t’id biex iferrraħ lit-tfal.

Il-grupp tal-Iscouts tal-Mosta qassmu wkoll soft toys lit-tfal fis-swali, ġest li deher li ġie apprezzat ħafna wkoll.

Aħbarijiet Oħra
Storja

Magna ta’ ajruplan tal-gwerra, li possibilment iġġarraf fit-Tieni Gwerra Dinija, kienet irkurprata minn qiegħ il-baħar fil-bokka tal-Port il-Kbir wara ħidma konġunta bejn l-Università ta’ Malta, Heritage Malta u l-Forzi Armati….

Teknoloġija

Wara l-ajruplani, issa anke l-vetturi bdew jiġu jiġu mgħammra b’kaxxa sewda, li normalment tkun f’nofs il-vettura. Għalkemm s’issa din mhijiex obbligatorja, aktar manifatturi tal-karozzi qed jinkluduha. Fost aktar miżuri biex…

Infrastruttura

Waħda mill-kawżi ewlenin ta’ ħruġ ta’ drenaġġ fit-triq u fil-baħar ġejja minn katusi tal-ilma tax-xita li qed jitqabbdu direttament mas-sistema tad-drenaġġ. Jirriżulta li ħafna ma jafux li dan hu l-każ…

NGOs

Seba’ għaqdiet mhux governattivi Maltin se jwettqu tmien proġetti fl-Afrika bl-għajnuna ta’ madwar nofs miljun ewro mill-programm tal-għajnuna għall-iżvilupp tal-Ministeru tal-Affarijiet Barranin. Il-proġetti jvarjaw minn skola ġdida għall-bniet f’żona rurali…

Aktar