Kronaka
AĠĠORNAT: Fir-rejd tal-bieraħ instabet id-droga eroina, kokaina u l-kannabis

Tliet persuni – żewġt irġiel Maltin ta’ 34 sena u 46 sena residenti l-Ħamrun u l-Imsida rispettivament u Libjan ta’ 29 sena residenti Marsaskala – ġew arrestati tard il-Ħadd filgħaxija waqt rejd li sar mill-Pulizija mill-Iskwadra ta’ Kontra d-Drogi fil-Marsa.

TVM kien fuq il-post ftit ħin biss wara meta għal ħabta tas-7.30pm, it-toroq kollha li jagħtu għal Triq it-Tiġrija ingħalqu mill-Pulizija mit-Taqsima tat-Traffiku. Fl-istess waqt, il-Pulizija tal-Iskawdra ta’ Kontra d-Drogi, flimkien mal-Ispecial Intervention Unit, mgħammdin bi balaklavi, tarki u armati, daħlu f’binja li hemm fi Triq it-Tiġrija.

Il-Pulizija sabu persuna Maltija, mitlufa minn sensiha, aktarx kawża ta’ doża qawwija tad-droga. Fuq il-post, issejħet ambulanza li ħadet lill-Malti l-Isptar Mater Dei fejn nifhmu li jinsab f’qagħda serja.

Sorsi li tkellmu ma’ TVM qalu li din il-binja hija bejta għat-traffikar tad-droga u kienet ilha mgħassa għal dawn l-aħħar jiem. Fir-remissa nstabet id-droga tal-kokaina, l-eroina u qratas allegatament bil-pjanta tal-kannabis kif ukoll xi oġġetti relatati mal-konsum u t-traffikar. Fuq il-post marru wkoll l-uffiċjali tax-Xena tar-Reat sabiex jelevaw il-provi.

B’dan il-każ qed issir ukoll inkjesta mill-Maġistrat N Camilleri. Dan huwa t-tieni rejd li sar mill-Pulizija fl-aħħar jumejn, wara dak li sar t’Tas-Sliema li fih ġew arrestati tliet persuni oħra.

Ara wkoll:

ARA: Rejd mill-Pulizija fil-Marsa – arrestati xi persuni

Aħbarijiet Oħra
Knisja Maltija

Tfaqqa kontroversja taħraq dwar il-kwadri fil-Knisja ta’ Ħal Kirkop. Dan wara li fil-festa ta’ San Ġużepp, ix-xahar li għadda l-Kappillan ħabbar li l-Kurja approvat li l-pittura tal-Madonna tad-Duluri li hemm…

Sport

Minn footballer professjonali għal DJ idur mad-dinja b’tours relatati mal-mużika. Dan mhu ħadd ħlief l-ex plejer internazzjonali Taljan, l-attakkant Christian Vieri. Huwa kien Malta għal ftit ħin fejn kien fost…

Kurżitajiet

F’Hollywood tħabbret il-mewt tal-attur u producer Peter Fonda fl-età ta’ 79 sena. Huwa miet wara battalja mal-kanċer. Fonda jibqa’ l-iktar magħruf għall-film li ħadem fih, kiteb u produċa fl-1969 –…

Edukazzjoni

L-Istitut għall-Istudji Turistiċi qal li wara kampanija li nieda żdied sew l-interess għal korsijiet full-time li joffri. L-ITS qal li kellu żieda ta’ iktar minn 50% fl-applikazzjonijiet meta mqabbel mas-sena…

Aktar