Kurżitajiet
ARA: Jisfidaw barri fuq xtajta, il-beżżiegħa jaqbżu l-baħar

Fl-eqqel ta’ Lulju ħafna nies qed jinżlu lejn ix-xtajtiet sbieħ li joffri l-Mediterran biex iċafċfu u jirrilassaw. Iżda xtajta partikolari fi Spanja bħalissa qed toffri żvog għal kollox differenti.

Ir-raħal ta’ Denia, qrib il-belt ta’ Valencia fi Spanja, din is-sena wkoll żamm it-tradizzjoni tiegħu bl-attività Bous a la Mar. Hawnhekk baqar u barrin jiddaħħlu ġo arena li parti minnha tagħti għal baħar. Għexieren ta’ parteċipanti, ħafna minnhom ġuvintur, jippruvaw juru l-qlubija tagħhom billi jittantaw u jisfidaw lill-barrin.

L-iktar parteċipanti beżżiegħa jaqbżu l-baħar biex jevitaw xi daqqa mingħand il-barri fferoċjat, li fid-dagħdigħa ġieli jaqbeż il-baħar għal warajhom.

B’sorpriża għal xi uħud, kemm il-baqar kif ukoll il-barrin huma kapaċi jgħumu bla diffikultà, iżda sabiex jiġu protetti l-annimali, dgħajsa żgħira tkun fil-post tistenna l-annimal biex meta jaqbeż il-baħar, jerġa’ jitellgħa fuq l-art. Fil-fatt l-annimali ma jiġu mweġġa’ bl-ebda mod f’din l-attività, għal kuntrarju tal-ispettaklu bil-matador.

Aħbarijiet Oħra
Barranin

Qed ikun meqjus l-ewwel każ tax-xorta tiegħu fl-istorja politika, dak tal-Prim Ministru tas-Serbja Ana Brnabic, li s-sieħba tagħha għadha kemm welldet tifel. Brnabic, li għandha 43 sena, hija mhux biss…

Barranin

Terapija ġdida fl-Ingilterra qed tagħti tama lil dawk li qed jitilfu l-vista. L-isptar Oxford Eye, f’Ingliterra qiegħed jamministra terapija marbuta mal-ġenetika tal-persuna biex jgħin lill-pazjenti li jbatu biex jaraw ma…

Kurżitajiet

Huwa maħsub li xi infermiera fi sptar f’Napli ħarrbu skoss wirdien fil-ward fejn jaħdmu biex jaqilgħu transfer. Filmat li ttella’ fuq il-midja soċjali minn pazjenti tal-isptar Vecchio Pellegrini juri għadd…

Barranin

In-nirien li nfirxu fid-distrett storiku Dhaka f’Bangladesh wasal għall-mewt ta’ 70 persuna. In-nar infirex wara li feġġ f’binja residenzali li fiha kien hemm xi kimiċi perikolużi. Peress li t-toroq huma…

Aktar