Kurżitajiet
ARA: Jistieden ruħu b’idejh f’Venezja u jispiċċa mkeċċi

L-artist anonimu Banksy reġa’ għamel waħda minn tiegħu hekk kif din id-darba, stieden ruħu b’idejh għall-akbar wirja artistika fid-dinja.

L-artist rama’ l-aħħar xogħol artistiku tiegħu fit-toroq ta’ Venezja u jidher li ma tantx niżel tajjeb mal-awtoritajiet hekk kif bħas-soltu, l-arti tiegħu wasslet messaġġ ċar li jniggeż.

Fl-opra li ħoloq, Banksy qiegħed jiġbed saqajn l-awtoritajiet tat-turiżmu li, mhux qed jaħdmu biex jissalvagwardjaw lil Venezja, u qed jaraw biss sal-ponta ta’ mneħirhom, bil-kummerċ tal-cruise liners itappan l-isbuħija tal-belt unika, meqjusa wkoll bħala wirt mondjali.

Minkejja li l-Biennale f’Venezja hija waħda mill-akbar u l-aktar avvenimenti prestiġġjużi tal-arti, l-artist ribelli qatt ma ġie mistieden jattendi.

Din l-opra tal-arti, impittra biż-żjut fuq it-tila, hija msemmija ”Venice in oil” u qed tagħamel referenza diretta għall-fatt li l-belt tinsab mgħarrqa fiż-żjut tal-vapuri l-kbar.

Aħbarijiet Oħra
Ikel

Daqsxejn bigilla tajba ma’ xi kisra ħobż friska li tkun għadha ħierġa mill-forn, min ma taqagħlux żaqqu għaliha? Sempliċi għall-aħħar. Ma tridx xi għerf ta’ barra minn hawn biex tagħmilha….

Barranin

Ors Koala kien salvat min-nirien li ħakmu postijiet varji fi New South Wales, fl-Awstralja. Mara li nzertat għaddejja mill-inħawi tal-foresta li kienet qed taqbad viċin Port Macquarie, rat lill-koala jaqsam it-triq….

Edukazzjoni

Minn żmien għal żmien, il-moda tinbidel. U, bħalha, il-mudelli jmorru u jiġu wkoll. Il-mudelli tal-kitba, iżda, mhux talli ma jinbidlux, talli dejjem hemm biex jagħtuna daqqa t’id biex kemm jista’…

Aktar