Barranin
ARA: Jitlef familtu fit-traġedja u jistaqsi għala ħadd ma wissieh bil-periklu

Giuseppe u bintu Asia huma l-uniċi membri tal-familja Giordano li salvaw mit-traġedja li laqtet Casteldaccia f’Palermo.

Giuseppe qal li l-ilmijiet bit-tajn għerrqulu d-dar li kien qed jikri f’temp ta’ sekondi. Huwa b’qalb maqsuma rrakkonta kif l-aħħar li ra lil ibnu ta’ 15-il sena kien qiegħed qed jipprova jipproteġi lil oħtu – tarbija ta’ sena.

Giuseppe rrakkonta kif l-ilmijiet mix-xmara Milicia u t-tajn daħlu b’tant saħħa fid-dar li ma tawx ċans lil familtu tirreaġixxi. Hu qal li spiċċa tkaxkar ‘il barra mid-dar bl-ilmijiet fejn b’miraklu qabad ma’ siġra u dam aktar minn sagħtejn jgħajjat għall-għajnuna.

Il-familja kienu miġbura flimkien fid-dar biex jippranzaw.

L-awtoritajiet qegħdin jinvestigaw jekk id-dar kinitx mibnija llegalment viċin ix-xmara. Skont is-sindku ta’ Casteldaccia, Giovanni Di Giacinto, ir-residenza kienet inbniet illegalment iżda l-propjetarju, fl-2008 kien appella kontra t-twaqqigħ tad-dar. Giuseppe mbikkem jistaqsi għalfejn ħadd mill-awtoritajiet ma wissewh qabel bil-periklu li r-residenza kienet tinsab fiha.

Giuseppe tilef 9 membri tal-familja – martu u tnejn minn uliedu, il-ġenituri tiegħu u ħutu.

Asia skansat il-mewt għaliex insertat marret tixtri xi ħelu ma’ zijuha ftit tal-ħin qabel ma laqtithom it-traġedja.

Aħbarijiet Oħra
Barranin

Tmien persuni mietu u 10 oħra ndarbu wara li ħakmu nirien f’lukanda fl-Ukrajna. In-nar, li tkebbes wara nofsillejl għadu mhux magħruf kif qabad. Fil-lukanda, Tokyo Star hemm mal-273 kamra. Il-pumpiera…

Barranin

Miet l-attur u direttur Peter Fonda fl-età ta’ 79 sena. Peter Fonda huwa iben l-attur Henry Fonda u ħu l-attriċi Jane Fonda. Fonda kellu bint li hija attriċi wkoll, Bridget…

Barranin

Kelliema għall-Uffiċċju tal-Kap Mediku ta’ New York, ikkonfermat li awtopsja kkonkludiet li l-finanzier Amerikan Jeffrey Epstein ta’ 66 sena, miet kawża ta’ suwiċidju. Epstein instab mejjet il-ġimgħa l-oħra fiċ-ċella tal-ħabs…

Barranin

Politiċi Daniżi qalu lill-President Amerikan Donald Trump li Greenland mhix għall-bejgħ. B’reazzjoni għar-rapporti ppubblikati fil-Wall Street Journal, dwar kif Trump allegatament iddiskuta l-possibiltà li jixtri l-akbar gżira fid-dinja mal-konsulenti tiegħu,…

Aktar