Reliġjon
ARA: Jitolbu l-maħfra t’Alla għall-mixja tal-LGBTIQ li se ssir għada

Membri tal-għaqda Nisranija Pro Malta Christiana llejla nġabru quddiem it-Teatru Rjal u qalu r-rużarju biex, fi kliemhom, jitolbu l-maħfra t’Alla għall-Pride March li se ssir għada fil-Belt.

Fi stqarrija l-għaqda qalet li tingħaqad ma’ dak li qal il-Papa Ġwanni Pawlu II fis-sena 2000, meta wera sogħba li f’Ruma kienet se ssir l-ewwel “parata tal-kobor omosesswali”, b’insult għas-sena tal-Ġublew il-Kbir.

L-għaqda fakkret li l-Papa kien qal li l-atti omosesswali jmorru kontra l-liġi naturali, u tenniet li l-Knisja ma tistax tibqa siekta fuq dik li l-għaqda tiddeskrivi bħala l-verità, għax inkella tkun qed tfalli fil-missjoni tagħha li tiddistingwi bejn it-tajjeb u l-ħażin.

L-għaqda ċaħdet li l-membri tagħha huma motivati minn mibegħda lejn persuni omosesswali, li waqgħu f’dak li l-għaqda temmen li huwa dnub minħabba d-djgħufija tagħhom.

Finalment l-għaqda appellat ukoll biex ikun irrispettat id-dritt tal-libertà reliġjuża, wara li qalet li l-membri tagħha kienu vittmi ta’ theddid minn attivisti tal-LGBTIQ u membri tax-xellug estrem.

Il-Knisja Kattolika f’Malta diġà ddisassoċjat ruħha minn din l-għaqda u l-attivitajiet tagħha.

Aħbarijiet Oħra
Lokali

Il-Kummissjoni Ġustizzja u Paċi tal-Knisja organizzat laqgħa ta’ djalogu ma’ rappreżentanti tal-partiti politiċi dwar il-politika li għandu jħaddan il-Parlament Ewropew fil-leġislatura li jmiss. Il-Kummissjoni għażlet it-tema ‘Naġġustaw l-Ewropa għall-Ġid Komuni’…

Turiżmu

Fl-ewwel tliet xhur ta’ din is-sena ġew Malta ftit aktar minn 78,000 turist abbord il-vapuri tal-passiġġieri. Skont ċifri tal-Uffiċċju Nazzjonali tal-Istatistika kien hemm żieda ta’ aktar minn 810,000 passiġġier meta…

Xogħol

Ċifri tal-Eurostat juru li Malta hija fost 13-il pajjiż tal-Unjoni Ewropea li sal-2018 kienet diġà qabżet il-miri tal-impjiegi li kellhom jintlaħqu sal-2020. Il-Eurostat qal li s-sena l-oħra, Malta b’żieda ta’…

Partit Laburista

Il-Partit Laburista permezz tad-deputati Edward Zammit Lewis, Alex Muscat u l-kandidata għall-elezzjoni tal-Parlament Ewropew Fleur Vella, qal li l-Oppożizzjoni mhix kredibbli meta titkellem dwar il-finanzi tal-pajjiż. Dr Zammit Lewis qal…

Aktar