Lokali
ARA: Jixwi l-laħam taħt il-bonnet tal-Alfa

Qatt ħsibt li tista tixwi biċċa laħam taħt bonnett ta’ karozza?

Fuq xi xtajta, fuq il-bejt tad-dar jew f’post miftuħ – BBQ fis-sajf tkun qed tistennih! Aaron Pisani hu iffissat fuq il-karozzi Alfa Romeo. Minnhom għandu tnax. Saħansitra fl-inventiva tiegħu, karozza Alfa li kienet tajba biss għall-iskrap sab użu għaliha biex jibqa’ jgawidha. Biddilha f’BBQ fuq żewġ roti.

Aaron Pisani qal li “kellimt ħabib tiegħi għidtlu x’ħa nagħmlu biha, qalli dil-karozza mhi xejn, la liċenzja, la number plate..u għidtlu għandi pjan għaliha u f’għaxar minuti ġibta fi tnejn, qbadt chaser u qsamta fi tnejn u f’kemm ili nghidlek dawwartha f’BBQ”.

Aaron spjega kif żarma kollox mill-parti ta’ quddiem tal-karozza.

Aaron Pisani qak li “kelli jneħħi kollox minħabba is-sħana, qaxxarta sandblasted, għamilt żebgħa tiflah ħafna għas-sħana. Xtaqt nagħmilha biex nirmunkaha warajja biex noħodha fejn irrid. Inwaqqafa biex ngħaddiha minn passaġġi għamilt il-grilja tniżżel u titla’ eletric.”

Aaron qal li l-passjoni tiegħu għal Alfa Romeo bdiet meta għalaq 18-il sena u kellu l-ewwel karozza. Mhux kuntent biss li għamel waħda BBQ! Issa għandu proġetti oħra jberrnu f’rasu.

Aaron Pisani qal li “bħalissa qed nagħmel proġett ieħor – alfa camper. Jinfetaħ min-nofs biss, jiġi rmunkat, ġewwa jorqdu żewġ min-nies u jistgħu jorqdu fuq is-saqaf ukoll, ġejja tinda oħra fuq is-saqaf tingħalaq u tinfetaħ. Ħa jkun bis-sistema tal-ilma u tal-gass, issajjar fiha jekk trid u ħa nagħmillha solar panel ukoll. ‘Il quddiem għandi proġett ieħor forsi nagħmel dj deck”.

L-Alfagrill, kif isejħilha Aaron, juża l-aktar biex jixwi biċċa laħam għal sħabu dilletanti tal-karozzi.

Aħbarijiet Oħra
Sport

Waqt logħba tat-Tieni Diviżjoni bejn Oratory Youths u Qala Saints, ir-referee Joseph Agius spiċċa qala’ daqqa ta’ ponn wara li ta żewġ karti sofor lil plejer tal-Qala. Il-logħba li saret…

Edukazzjoni

Il-Fondazzjoni President’s Trust kompliet tqassam tagħmir lil tfal li għandhom diffikultà bil-vista biex tgħinnhom fil-mixja edukattiva tagħhom. B’kollox il-fondazzjoni qassmet b’kemm jiswa €150,000 f’tagħmir tal-informatika lil 65 tifel u tifla….

Saħħa

L-Alleanza Nazzjonali għall-Mard Rari bħalissa għandha 200 membru li għandhom marda rari. Dan qalitu ċ-Chairperson u Fundatriċi tal-Alleanza, Michelle Muscat, meta tkellmet f’attività fl-okkażjoni tat-tielet sena mit-twaqqif ta’ din l-għaqda…

Aktar