Eurovision
ARA: It-tħejjijiet ta’ Michela lejliet is-semifinali t’għada f’Tel Aviv

Hekk kif għada Malta se tagħti l-esebizzjoni tagħha fis-semi finali tal-Eurovision Song Contest f’Tel Aviv, Michela llum kellha jum impenjattiv, li beda b’intervista ma’ BBC One.

Waranofsinhar imbagħad, Michela għamlet il-prova uffiċjali tagħha bi tħejjija għal għada, filwaqt li llejla qed tkanta wkoll waqt wirja apposta għall-ġurija.

Intant ilbierah filgħaxija għaddew 10 pajjiżi minn 17 li ħadu sehem fl-ewwel semifinali.

Il-pajjiżi li kwalifikaw għall-finali tas-Sibt filgħaxija huma l-Greċja, il-Belarus, is-Serbja, Ċipru, l-Estonja, ir-Repubblika Ċeka, l-Awstralja, l-Iżlanda, San Marino u s-Slovenja. Ir-riżultati f’dawn is-semifinali huma maqsuma nofs b’nofs bejn ġurija professjonali u televoting.

Fit-tieni semifinali t’għada filgħaxija, u li se jixxandar fuq TVM u tvm.com.mt fid-9pm, Michela se tkanta l-kanzunetta Chameleon fil-11-il post.

Ara wkoll:

Liema huma l-10 pajjiżi li għaddew għall-finali tal-Eurovision?

Aħbarijiet Oħra
Lokali

“Għajnu Aħmar it-Tonn” jew “It-Tonn tal-Melliħin” kienet l-għajta tas-sajjieda Melliħin li sal-bidu tas-sittinijiet kienu jbiegħu t-tonn li jaqbdu bit-Tunnara. Is-sajd bit-tunnara nqata’ iżda fil-mużew tat-Tunnara fil-bajja tal-Mellieħa, għaqda volontarja Melliħija ikkonservat…

Pulizija

Fl-aħħar xahrejn, l-uċuħ ta’ erba’ Pulizija saru familjari mal-komunità tal-Mellieħa. Ir-residenti laqgħuhom u jqisuhom “ta’ ġewwa”. Dawn l-erba’ uffiċċjali jiffurmaw l-ewwel Community Policing Team fi proġett pilota mniedi mill-Korp. Intervistat…

Malta

Fil-Greċja, hemm madwar 3,500 persuna b’konnessjonijiet Maltin, il-maġġoranza f’Korfu fejn jgħixu Griegi b’nisel Malti li saħansitra jwasslu sar-raba’ u l-ħames ġenerazzjoni. Waqt żjara fil-Greċja, il-President George Vella ltaqa’ ma’ rappreżentanti…

Kisbiet

Imwieled Malta u emigra lejn l-Awstralja 44 sena ilu wara li gradwa mill-Università ta’ Malta dak iż-żmien kienet magħrufa bħala The Royal University of Malta. F’intervista ma’ TVM, il-Professur Stephen…

Aktar