Mużika
ARA: Kant-awtriċi Maltija-Awstraljana b’popolarità madwar id-dinja toħroġ l-ewwel album tagħha

Il-kant-awtriċi u mużiċista Tash Sultana hija Awstraljana, b’dixxendenza Maltija, li qed tikseb popolarità fix-xena mużikali bi stil rock alternattiv u raggae rock.

Hija għadha kif ħarġet l-album ‘Flow State’ li bih qed tiddebutta fix-xena mużikali internazzjonali b’kanzunetti bħal ‘Salvation’ li kienet ħarġet diġà vidjo mużikali tagħha u f’temp ta’ xahrejn rawh iktar minn miljun ruħ.

Il-Maltija-Awstraljana, li għandha 23 sena, bdiet iddoqq mindu kellha 3 snin meta nannuha taha kitarra bħala rigal.  Taf iddoqq 20 strument mużikali fosthom il-pjanu, it-trumbetta, is-sassofonu, il-mandolina, u s-synthesizer.

Tash Sultana twieldet u trabbiet f’Melbourne.  Bdiet iddoqq fit-toroq (busking), ingħaqdet mal-band Mindpilot fl-2008 iżda sfaxxat fl-2012.  Sena wara bdiet tkun iktar attiva fix-xena mużikali bħala solista.

YouTube kien pjattaforma li wassalha għall-fama tant li l-vidjos li ppubblikat dejjem intlaqgħu tajjeb u jarawhom miljuni ta’ nies minn madwar id-dinja.

Ħarġet l-ewwel EP tagħha fl-2016.  It-tour dinji li għamlet is-sena l-oħra kien mibjugħ kollu.  Għalkemm żaret l-Ewropa, madanakollu Malta ma kinitx inkluża fit-tour.

Id-debut album tagħha ‘Flow State’ tnieda fil-31 t’Awwissu u l-kant-awtriċi mistennija tagħti numru ta’ kunċerti biex tippromwovi l-album u tkanta l-kanzunetti li l-iktar ġabulha suċċess s’issa ‘Harvest Love’ u ‘Salvation’.

Aħbarijiet Oħra
Kronaka

Matul il-lejl żewġ karozzi ħadu n-nar f’żewġ lokalitajiet differenti. Għall-ħabta tas-siegħa ta’ dalgħodu, il-pulizija kienet infurmata li fi Triq in-Naħal f’ Ħal Qormi vettura tat-tip Toyota Vitz ħadet in-nar. Dwar…

Lokali

Wara laqgħa li kellhom illejla s-sidien tal-pompi tal-petrol msieħba fil-GRTU, ftehmu li minn għada mhux se jħallu s-servizz tal-fuel bl-automatic. Dan ifisser li s-sevizz mill-pompi se jkun sas-sitta ta’ filgħaxija,…

Lokali

Fredrick Attard stqarr li m’għandux kliem biex jirringrazzja lid-donaturi tad-demm li bil-ġest tagħhom jistgħu jsalvaw lil ommu u lil oħtu li jeħtiġilhom trasfużjoni tad-demm bħala parti mill-kura kontra l-kanċer tas-sider…

Aktar