Stejjer Umani
ARA: Katriel iwettaq ħolma oħra biex jgħin lil min hu fil-bżonn

Iċ-ċkejken Katriel Zahra tant maħbub għall-ispirtu altruwist tiegħu minkejja li jbati minn kundizzjoni rari, dalgħodu wettaq ħolma oħra li kellu, li jaqta’ x-xagħar ta’ tifel bħalu b’risq il-Malta Community Chest Fund li tipproduċi parrokki għal min jaqalgħu xagħru minħabba l-mard. Katriel dalgħodu qata’ x-xagħar ta’ tfajjel ta’ 12-il sena Neil Aquilina li saħansitra sofra bullying għax kien qed itawwal xagħru.

F’ħanut tax-xagħar fejn Katriel ilu għal diversi xhur jipprattika fuq diversi stili ta’ xagħar, sibnieh eċċitat għaliex kien se jwettaq ħolma oħra, dik li jaqta’ xagħar twil biex dan jingħata donazzjoni għall-Malta Community Chest Fund biex jinħadem f’parrokka għal min jaqagħlu xagħru kawża tal-mard. Qabel ma mar jaqta’ x-xagħar, Katriel kellu jmur l-isptar għal injezzjoni li jkollu jieħu darba fix-xagħar minħabba l-kundizzjoni rari tiegħu u kien muġugħ. TVM staqsa lil Katriel għaliex xorta aċċetta li jaqta’ x-xagħar minkejja li kien muġugħ.

Katriel Zahra qal “għax jien għaddejt minnha, kienet waqgħatli xagħri u issa li ġejt għan-normal, kull esperjenza li naqta’ t-toppu jiena nieħu pjaċir, għax hawn ħafna girls, tfajliet ħabba l-kanċer.. għalija iebsa ħafna iebsa.”

Fi ftit ħin, Katriel, bil-gwida tal-istilista tax-xagħar Celine Paris, qata’ xagħar it-tfajjel Neil Aquilina ta’ tnax-il sena li ilu sentejn itawwal xagħru bil-ghan li jagħtih donazzjoni lill-Malta Community Chest Fund. Neil Aquilina li ħassu kuntent li qatagħlu xagħru Katriel għax jammirah, qalilna li kien isofru minn bullying minn tfal oħra għax kien qed itawwal xagħru. Madanakollu Neil qalilna li baqa’ sod u jippersevera li jtawwal xagħru biex minnu ssir parrokka għal xi ħadd marid.

Neil Aquilina qal “biex nisfidahom u mhux noqgħod għal li jgħiduli biex naqtagħa għax dak xagħri, u iktar ma sfidajthom, iktar ikkwitaw, għax jekk toqgħod għaliha, iktar se jkomplu”.

Intant Katriel li f’ħajtu bata ħafna wġiegħ, anki minħabba għadd kbir ta’ operazzjonijiet li għadda minnhom, jibqa’ jimpressjona bil-messaġġi ta’ kuraġġ li jaf jgħaddi.

Katriel Zahra qal “one irrid li ma ma jaqtgħux qalbhom, u jekk hawn xi ħadd li għandu xagħru twila u tajba jaqtagħha.”

Intant Katriel u Neil saru ħbieb u ftehmu li ‘l quddiem jistgħu forsi jingħaqdu flimkien biex jagħmlu xi ħaġa oħra li tgħin lil nies fil-bżonn.

Aħbarijiet Oħra
Storja

Fl-arkivju notarali fil-Belt ġew konservati bi proċess ta’ restawr id-dokumenti li fihom il-kuntatt tal-għoti tal-George Cross lil Malta f’eżerċizzju li fih ikkollaboraw tliet entitajiet. Il-kuntratt u l-atti notarili tal-għoti tal-George…

Lokali

Messaġġi miżbugħa fuq propjetajiet pubbliċi u privati qed iqajmu tħassib dwar il-mottiv tagħhom. Waqt li xi rapporti qalu li dawn saru mis-Serbi, TVM Malta stħarreġ dwar dawn il-graffiti u l-lingwaġġ…

Politika

Il-Professur Arnold Cassola fi stqarrija qal li mhuwiex xogħol l-Alternattiva Demokratika li tqajjem is-suġġett dwar dibattitu rispettuż dwar l-abort. Cassola qal dan fl-isfond tal-filmat li xandret il-kandidat għall-MEP tal-AD, Mina Tolu,…

Kunsilli Lokali

Il-Prim Ministru u Mexxej tal-Partit Laburista, Joseph Muscat, qal li l-Partit Laburista għandu jkollu kwart tal-kandidati għall-elezzjoni tal-Kunsilli Lokali li jkunu żgħażagħ. Fit-tnedija tal-kampanja START tal-Forum Żgħażagħ Laburisti, Dr Muscat…

Aktar