Annimali
ARA: Kelb imwerwer mil-labra jsib eroj żgħir jiddefendih

Kelb li kien imwerwer mil-labra tal-injezzjoni waqt żjara għand il-veterinarju, sab eroj żgħir jiddefendih.

Filmat miġbud minn kamera tas-sigurtà juri lil sid il-kelb iżżommu sakemm il-veterinarju jagħtih l-injezzjoni.

Il-kelb imbeżża’, jibda jiċċalaq u jipprova jaħrab. Josserva dan kollu minn wara ħġieġa hemm qattus.

Il-qattus jidħol fil-kamra u jixxabbat mal-mejda biex jara aħjar x’qed jiġri, u meta l-kelb ikompli jitqabad, il-qattus pront idur fuq il-veterinarju u jigdimlu siequ, qabel jerġa’ jaħrab wara l-ħġieġa.

Il-filmat ixxerred fuq il-midja soċjali, fejn rawh elf ta’ persuni u qanqal ħafna reazzjonijiet.