Lokali
ARA: Kien jgħidilha li kull meta jtir kien jitla’ fuq is-sħab u dejjem isib ix-xemx

Erbat ijiem wara li Charlie Azzopardi, tilef ħajtu f’inċident bl-ajruplan, it-tliet uliedu qed iħejju biex jitilgħu l-Istati Uniti għall-funeral. Bintu, Lorna Agius stqarret ma’ TVM li missierha kellu passjoni għall-avvjazzjoni u l-annimali.

Miet jagħmel dak li jħobb. Kliem bint Charlie Azzopardi, li nhar il-Ġimgħa tilef ħajtu f’inċident fatali b’ajruplan żgħir f’Texas l-Istati Uniti.

Lorna Agius qalet lil TVM li l-avjazzjoni kienet waħda mill-passjonijiet ta’ missierha, li nibdet meta emigra min-Naxxar lejn il-belt ta’ Amarillo f’Texas fl-1975. Bid-dmugħ f’għajnejha, Lorna ftakret f’dak li kien jgħid missierha, li kull meta jitla’ fuq l-ajruplan, jitla’ fuq is-sħab u dejjem isib ix-xemx.

Qalet li missierha kien iħobb ħafna l-ħajja u kien kuraġġuż u kien iħobb ħafna l-annimali li f’Texas u kien irabbi saħansitra iljuni, tigri u kangaroos.

Lorna rrakkontat li binha, li jgħix l-Istati Uniti. ta l-aħbar tal-mewt ta’ missierha. Minkejja li kien jgħix kilometri ‘l bogħod minn uliedu huwa kien qrib ħafna tagħhom u kien jiġi Malta darbtejn fis-sena. Bintu qalet li minn dejjem xtaq li t-tliet uliedu jingħaqqdu miegħu fl-Istati Uniti u baqa’ sal-aħħar iħajjarhom jagħmlu dan.

Qalet li hi u ħutha se jitilgħu l-Istati Uniti biex isellmu lil missierhom għall-aħħar darba.

Fl-inċident mietet ukoll mart Charlie Azzopardi, Paula li kienet passiġiera miegħu fuq l-ajruplan tat-tip Cessna C421.

L-inċident seħħ f’Roberts County bl-investigaturi Amerikani qalu li r-raġunijiet li wasslu għat-tiġrif tal-ajruplan Cessna għadhom qed jiġu investigati.

Aħbarijiet Oħra
Air Malta

Il-Ministru għat-Turiżmu, Konrad Mizzi qal li fil-jiem li ġejjin se jitħabbru riżultati finanzjarji pożittivi għal-linja nazzjonali tal-ajru. Fil-ftuħ tal-fiera annwali tal-ivjaġġar, l-AMITEX, il-Ministru qal li l-viżjoni tal-Gvern hi li l-Air…

Politika

Fi Brussell, kien hemm ukoll il-Kap tal-Partit Nazzjonalista, Adrian Delia, li attenda għal-laqgħa tal-kapijiet tal-partiti membri tal-Partit Popolari Ewropew. Stqarrija tal-Partit Nazzjonalista kkowtat lil Dr Delia jgħid li jeħtieġ li…

Politika

Il-Prim Ministru Joseph Muscat qal li r-realtà fid-drama dwar Brexit hi li jiġri x’jiġri, l-UE se tkun qed ittawwal il-ħruġ tar-Renju Unit mill-UE b’ġimgħa biss, għax jekk il-ġimgħa d-dieħla il-Parlament…

Sport

Sens kbir ta’ sodisfazzjon u arja ta’ festa fost il-kontinġent Malti li kkompeta fil-logħob dinji tal-Ispecial Olympics. It-28 atleta b’diżabbiltà intellettwali ġejjin lura Malta b’erbgħin midalja, 12 minnhom tad-deheb. L-atleti…

Aktar