Konsumatur
ARA: Kif intlaqtu l-konsumaturi u n-negozji wara l-hacking li sar fuq il-BOV?

Bis-cyber-attack fuq il-Bank of Valletta u s-sospensjoni tas-servizzi bankarji ppenalizzati negozji u klijenti. Lejliet ġurnata importanti għal ħafna stabbilimenti u ħwienet għax fiha jsir kummerċ sostanzjali, sidien ta’ ristoranti qalu li tilfu sa tletin fil-mija tan-negozju tagħhom.

Il-Bank of Valletta kien sfurzat jissospendi l-operazzjonijiet kollha tiegħu hekk kif sar magħruf li l-hackers kienu infiltraw is-sistemi tal-bank.

F’dan l-akbar u l-agħar cyber attack f’Malta, kien hemm effett immedjat fost oħrajn fuq in-negozji, il-kummerċ u t-transazzjonijiet tal-pubbliku fosthom ghax ma setgħux jiġbdu jew jiżbankaw flus mill-ATMS, jixtru u jħallsu b’cards tal-Bank of Valletta f’jum mistenni ta’ negozju minħabba x-xiri ta’ rigali għal San Valentinu.

Sidien ta’ ristoranti li tkellmu ma’ TVM qalu li tilfu anki sa tletin fil-mija tan-negozju tagħhom.

Il-President tal-GRTU Paul Abela qal li s-supermarkets u l-ħwienet xorta se jaċċettaw transazzjonijiet offline li jlaħħqu sa mija u għoxrin ewro.

”Bank of Valletta m’għandu l-ebda ħtija fiha, ovvjament… din hija xi ħaġa li tista tiġri lil kulħadd, aħna nappellaw biex kulħadd jikkopera… biss għandna informazzjoni li klijenti jistgħu jużaw il- cards, u supermarkets u ħwienet jistgħu jaċċettaw credit cards tal-BOV offline, li għandhom sa €120 li huma garantiti u dawk li għandhom mastercard jew visa jistgħu jużaw il-global payments, u tgħaddi mill-global payments.”

Il-Bank of Valletta qed jaħdem kontinwament biex jibda jagħti s-servizzi bankarji tiegħu malajr kemm jista’ jkun wara li jsiru l-verifiki neċessarji.

 

 

Aħbarijiet Oħra
Kronaka

Tagħrif li Television Malta ġabar mingħand il-Pulizija juri li r-rapporti ta’ serq x-xahar li għadda naqsu b’25% meta imqabbel ma Marzu tas-sena l-oħra. Fi kliem l-Ispettur Fabian Fleri, mid-Dipartiment tal-Investigazzjonijiet…

COVID-19

Il-proċeduri għall-IVF jinsabu ffriżati għal kollox kawża tal-COVID19. Il-kap tal-awtoritàa għall-protezzjoni tal-embrijun qalet li ttieħdu miżuri biex dawk li jinsabu fl-età massima li fiha jistgħu jinqabdu tqal bl-IVF, jingħataw estensjoni…

COVID-19

Edizzjoni tal-programm DISSETT se tixxandar wara l-bulettin tal-aħbarijiet tat-8.00pm fuq TVM. Dirett mill-istudios ta’ Television Malta: id-Deputat Prim Ministru u Ministru tas-Saħħa Chris Fearne, u diversi professjonisti mill-Isptar Mater Dei…

Lokali

Kull persuna għandha storja x’tirrakkonta. F’pandemija bħal dik li qed ngħixu, kulħadd jintlaqat b’mod jew b’ieħor u kulħadd għandu il-perspettiva tiegħu. M’hemmx dubju li l-COVID19 se tħalli timbru fis-socjetà u…

Aktar