Barranin
Ara kif niżlu mill-ajruplan u tgħallem minnhom!

Għal xi wħud il-ħin tal-inżul mill-ajruplan spiss ikun ta’ uġigħ ta’ ras, speċjalment jekk ikunu fuq in-naħa ta’ wara.

Ħafna nies ħerqana biex jinżlu, ma jagħtux ċans lil ta’ quddiemhom ilestu, u jqumu minn posthom biex jippruvaw iġibu l-bagalji mill-kompartamenti ta’ fuq rashom, anki jekk ma jkunx hemm fejn tiċċaqlaq.

Ħafna nies jispiċċaw bilwieqfa fil-passaġġ dejjaq, jonfħu u jiġġebbdu fuq xulxin, inkella bilwieqfa b’mod skomdu bejn is-siġġu tagħhom u ta’ quddiemhom, mingħalihom li għax qamu bilwieqfa se jinżlu qabel.

Louise Vadeboncoeur, li hija membru tal-crew li taħdem fl-ajruport internazzjonali ta’ Vancouver, tidher li tinsab imxebba’ b’dan in-nuqqas ta’ sens komun.

Meta għalhekk sabet ajruplan mimli passiġġiera li bdew jinżlu mill-ajruplan kif suppost, ħaditilhom filmat u xandritu bit-‘time lapse’ fuq il-midja soċjali, bit-tama li ħaddieħor jitħajjar jieħu l-eżempju tagħhom u jevita kaos bla bżonn fuq l-ajruplan.

Aħbarijiet Oħra
Barranin

Il-vittmi tal-Coronavirus madwar id-dinja telgħu għal 2,600, bl-Italja jsir l-aktar pajjiż affettwat barra l-Ażja tant li mill-inqas sitt persuni mietu u aktar minn mitejn instab li huma infettati bil-virus. L-Unjoni…

Barranin

Karozza nstaqet għal fuq il-folla waqt parata tal-karnival fil-belt Ġermaniża ta’ Volkmarsen. Tal-inqas għaxar persuni huma maħsuba li ndarbu. Kelliem għall-pulizija qalet li s-sewwieq qed jinżamm mill-pulizija. S’issa mhux ċar…

Barranin

Id-direttur ċelebri tal-films Harvey Weinstein instab ħati f’ġuri fuq żewġ atti tal-akkuża dwar abbuż sesswali fuq nisa. Weinstein li għandu 67 ma nstabx ħati iżda fuq l-iktar akkużi serji li…

Barranin

Il-Prim Ministru tas-Slovakkja, Peter Pellegrini ħassar l-impenji kollha tiegħu wara li ħakmu deni ta’ żiemel u problemi fin-nifs. Iż-żmien fejn marad ma setax ikun agħar l-għaliex ġimgħa oħra mistennija l-elezzjoni…

Aktar