Turiżmu
ARA: Kif qed iħossuhom l-ewwel turisti li niżlu Malta llum?

Fl-ajruport internazzjonali kien hemm ħafna emozzjonijiet fost il-ħaddiema tal-ajruport, il-ħaddiema tal-linji tal-ajru u l-passiġġieri barranin li waslu Malta fuq l-ewwel titjriet li waslu l-ajruport wara t-tneħħija tar-restrizzjonijiet relatati mal-Covid-19.

Il-Ministru għat-Turiżmu, Julia Farrugia Portelli, qalet li għalkemm it-triq hija twila, il-mira hi li sa tmiem din is-sena, Malta tilqa’ 700,000 turist.

Malta ħadet pass biex is-settur tant importanti tat-turiżmu jerġa’ jibda jirranka bil-ftuħ tal-ajruport Internazzjonali ta’ Malta ghal titjiriet lejn 20 pajjiz wara ftit iktar minn mitt ġurnata magħluq għat-titjiriet kummerċjali minħabba l-pandemija tal-Covid-19.

Il-Kap Eżekuttiv tal-MIA, Alan Borg, deher sodisfatt immens li l-ajruport reġa’ beda jieħu l-ħajja bil-passiġġieri u l-ajruplani. “Hija ġurnata emozzjonanti ħafna għalija u t-tim kollu, mhux se tkun faċli, kull bidu diffiċli f’kollox, imma nemmen li bit-‘team effort’ ta’ kulħadd nistgħu nersqu lejn in-numri fl-iqsar żmien possibli.”

Il-Ministru għat-Turiżmu, Julia Farrugia Portelli u l-Ministru tal-Ekonomija, Silvio Schembri qalu li l-ftuħ tal-ajruport hu sinjal li qed nirritornaw lejn in-normalità ġdida.

“L-ajruport mhuwix attività ta’ passiġġieri biss iżda għandek diversi attivitajiet oħrajn fosthom MROs, cargo u allura dak hu input qawwi ħafna għall-attività ekonomika tagħna filfatt għada se nħabbru investiment kbir f’dan is-sens,” qalet il-Ministru Schembri.

“11-il titjira llum, 10 oħra għada u sal-aħħar ta’ din il-ġimgħa total ta’ 81 titjira, bidu modest imma minn x’imkien trid tibda, inħarsu ‘l quddiem biex sal-aħħar ta’ din is-sena nilħqu l-mira tagħna ta’ 700,000 turist,” qalet il-Ministru Farrugia.

Is-sena li għaddiet żaru Malta total ta’ żewġ miljuni u seba’ mitt elf persuna li hu stmat li kkontribwew madwar kwart tal-ġid ekonomiku ġġenerat.

Mill-15 ta’ Lulju li ġej ir-restrizzjonijiet fuq id-destinazzjonijiet minn u lejn Malta se jispiċċaw bit-tama li l-ajruport – li xufier tat-taxi – fisser bħala l-pulmun tal-ekonomija, jerġa’ jibda jbaqbaq bl-attività u miegħu l-pajjiż kollu.

Sadanittant, l-ewwel turisti jew ħaddiema barranin li rritornaw Malta wara l-ftuħ tal-ajruport dehru fis-seba’ sema’ speċjalment dawk li waslu abbord it-titjira tal-Air Malta minn Ruma li ntlaqgħu bil-fjuri u rigal żgħir. Ara hawn x’kellhom xi jgħidu:

Aħbarijiet Oħra
Lokali

Melvin Theuma, l-intermedjarju fil-qtil ta’ Daphne Caruana Galizia, baqa’ f’qagħda stabbli. Fi stqarrija l-Pulizija qalet li Theuma għadu fit-taqsima tal-ENT fl-isptar Mater Dei. It-Tlieta 21 ta’ Lulju 2020, Theuma nstab…

COVID-19

L-organizzaturi tal-attivitajiet li jinqabdu jiksru r-regoli tal-miżuri mħabbra mill-Awtoritajiet tas-Saħħa biex iwaqqfu l-imxija tal-Covid-19 jistgħu jeħlu multa ta’ €3,000 għal kull miżura li jiksru. Dan tħabbar illum f’avviż legali ppubblikat…

Lokali

Dr Lydia Abela, il-mara tal-Prim Ministru, ippreżentat total ta’ €8,000 f’donazzjonijiet li nġabru waqt l-ewwel edizzjoni ta’ ‘A Night at the Palace’, lill-għaqdiet li jaħdmu favur id-drittijiet tal-annimali. Waqt li…

Agrikultura

L-istaġun tal-ħsad tal-għeneb għall-għasir infetaħ mill-Ministru għall-Agrikoltura Anton Refalo, fil-preżenza tal-produtturi tal-inbid Malti. Il-Ministru qal li l-inbid Malti huwa wieħed ta’ kwalità għax l-industrija aġġornat maż-żminijiet. Id-Direttur tad-Direttorat tal-Agrikoltura Saviour…

Aktar