Politika
ARA: Kif se jinħatar il-Kummissarju tal-Pulizija ġdid – il-Prim Ministru

Il-Prim Ministru Robert Abela ħabbar kif se jinħatar il-Kummissarju l-ġdid tal-Pulizija, b’metodu li fi kliemu hu aktar trasparenti mis-sistema ta’ bħalissa fejn il-ħatra ssir direttament mill-Prim Ministru.

Dr Abela qal li l-proċess se jinvolvi sejħa pubblika għall-applikanti, kif joħroġ mir-rakkomandazzjoni li għamlet il-Kummissjoni Venezja. Qal li s-sejħa se tkun miftuħa wkoll għal min mhux membru fil-korp, bi kriterji għal min hu eliġibbli mfassla mill-Kummissjoni għas-Servizz Pubbliku. Mill-applikanti, il-kummissjoni tagħżel dawk li jidhrilha huma l-aħjar tnejn. Il-Kummissjoni għas-Servizz Pubbliku hi ffurmata minn żewġ membri nominati mill-Prim Ministru, tnejn mill-Kap tal-Oppożizzjoni u Chairman li maħtur bi qbil bejn iż-żewġ naħat.

Il-Prim Ministru qal li imbgħad ikun imiss lilu li jagħżel dak li jħoss li jkun l-aħjar fost iż-żewġ kandidati.

“Il-Venice Commission tati d-dritt ta’ veto lil Prim Minsitru, li jista jirrifjuta dak li jibgħatlu il-kumitat u jien dan id-dritt lest inċedih. Dan il-pass qed nieħdu għax ma nixtieqx ngib sitwazzjoni li tikkuntrasta mal-Public Service Commission u il-kummisjoni tibgħat kandidat u il-Prim Minsitru jgħid le. U allura se tgħiduli li dan hu metodu rivoluzzjonarju saħansitra aktar oneruż, iġifieri iktar iebes minn dak li qaltilna inwettqu il-Venice Commisison.

Dr Abela qal li fl-aħħar stadju, il-persuna magħżula mill-Prim Ministru titressaq għall-iskrutinju tal-kumitat parlamentari għall-ħatriet pubbliċi magħmul minn membri tal-Gvern u tal-Oppożizzjoni.

“Ix-xewqa tal-Prim Ministru, mhux se tkun finali imma se timxi quddiem dan il-kumitat li se jkun jista’ jagħmel grilling, l-istkrutinju u l-oppozizzjkoni se tkun tista taghmel id-domandi kollha li jidhrila xierqa u minn hemm jittieħed vot parlamentari.”

Qal li hu jagħti l-kelma tiegħu li l-kummissarju jkun serju u jitħalla jaghmel xogħlu mingħajr indħil.

Il-korp bħalissa qed jitmexxa minn Aġent Kummissarju, wara r-riżenja l-ġimgħa li għaddiet ta’ Lawrence Cutajar.

B’reazzjoni, l-Oppożizzjoni qalet li l-Prim Ministru jrid jibqa’ jagħżel il-Kummissarju waħdu. Fi stqarrija ffirmata mill-Kap tal-Oppożizzjoni, Adrian Delia, u sitt deputati oħra, huma qalu li dak li ħabbar il-Prim Ministru jikkonferm a li mhux lest li jkun hawn kunsens nazzjonali dwar min jinħatar Kummissajru ġdid tal-Pulizija. Żiedu li b’dak propost, l-iskrutinju fil-Parlament se jsir minn kumitat li fih il-gvern għandu maġġoranza u għalhekk kontroll effettiv, bl-għażla finali baqgħet f’idejh.

Il-Partit Nazzjonalista qal li l-Prim Ministru ma fehemx kemm hu urġenti li l-Korp tal-Pulizija jirbaħ mill-ġdid il-fiduċja tal-poplu u li biex iseħħ dan irid ikun hemm qbil fuq l-għażla ta’ Kummissarju ġdid.

Il-Prim Ministru Robert Abela jindirizza konferenza stampa

Il-Prim Ministru Robert Abela jindirizza konferenza stampa

Gepostet von MaltaGov am Dienstag, 21. Januar 2020

Aħbarijiet Oħra
COVID-19

Fi stqarrija l-Matsec qalet li dawk l-istudenti li xtaqu jagħmlu l-eżamijiet tal-A Levels u l-Intermediates, jistgħu ipoġġu għal dawn l-eżamijiet f’Settembru li ġej. Din is-sessjoni se tieħu post is-sessjoni tar-resits,…

COVID-19

Id-Dipartiment tas-Sigurtà Soċjali qed jilqa’ l-applikazzjoni ta’ erba’ faxex ta’ ħaddiema li jaħdmu jew kienu jaħdmu fis-settur privat u ma baqgħux jaħdmu minħabba l-impatt tal-Coronavirus, iżda li mhux ser jintlaħqu…

Lokali

Wara kjarifiki uffiċjali, kien hemm qbil reċiproku li l-prezz tal-gass f’ċilindru ta’ 12kg ta’ Liquigas se jkun ta’ €15. Dan wara laqgħa llum bejn Liquigas Malta, li talbet biex tiċċarra…

COVID-19

Fiċ-ċirkostanzi preżenti maskra tiswa mitlu deheb partikolarment għal professjonisti li jinsabu fil-fruntiera tal-ġlieda kontra l-imxija tal-Covid-19. Fid-dawl tad-domanda qawwija għall-maskri soffistikati, Inġinier Malti fl-Fakultà tal-Inġinerija tal-Università ta’ Malta żviluppa magna…

Aktar