Kultura
Ara kif se tiġi rrestawrata n-niċċa tar-Redentur f’Marsaxlokk

Niċċa bi statwa devota tar-Redentur, fit-triq għal Marsaxlokk, se tiġi restawrata. Ix-xogħol se jsir mid-Direttorat tar-Restawr fi ħdan il-Ministeru għall-Ġustizzja, Kultura u Gvern Lokali u għandu jitlesta sal-aħħar tas-sena.

Il-Perit Ivana Farrugia qalet li n-niċċa nbniet lejn tmiem is-seklu dsatax u fost l-interventi ta’ restawr se jsir tindif tal-ġebla minn ħmieġ li akkumula mas-snin u t-tneħħija ta’ wires li m’għandhomx jintużaw. Se jitkaħħlu l-fili miftuħa u l-apertura tal-faċċata se tinbidel għal waħda tal-injam bil-ħġieġ. Sakemm isir ir-restawr, l-istatwa tar-Redentur tneħħiet min-niċċa.

Il-Ministru Owen Bonnici qal li din in-niċċa, minbarra l-wirt arkitettoniku, għandha valur emottiv kbir. Qal li dal-proġett ġie identifikat mill-Kunsill Lokali ta’ Marsaxlokk stess meta l-Gvern fetaħ skema ta’ restawr biex il-Kunsilli jipproponu proġetti ta’ restawr fil-lokalità tagħhom.

Dr Bonnici faħħar lill-ħaddiema tad-direttorat tar-restawr li qal bħalissa qed jaħdmu fuq 71 proġett differenti.

Aħbarijiet Oħra
Qorti

Raġel weħel 6 xhur ħabs wara li pprova jitlaq minn Malta b’dokumenti foloz. Immigrant mill-Mali, li daħal Malta sena ilu, ġie kkundannat sitt xhur ħabs wara li ammetta li pprova…

Toroq

Dalgħodu, 83 vettura twaqqfu fi Triq il-Kosta minn uffiċjali tal-Pulizija li jidderiġu t-traffiku wara li nstabu li kienu qed jiksru l-liġi tat-triq. Madwar 200 karozza ġew iċċekkjati mill-uffiċjali tal-Pulizija fejn…

Kronaka

Connie Mifsud instabet qawwija u sħiħa wara li ġiet irrapportata nieqsa dalgħodu. Iktar kmieni, iben Connie, Chris Mifsud, kiteb fuq il-midja soċjali biex javża li ommu, li għandha d-dimensja, kienet…

Festi

Il-grupp immexxi minn Wistin Vella offra s-somma rekord ta’ €17,000 biex jerfgħu l-istatwa ta’ Santa Marija waqt il-festa tal-qaddisa, fl-Imġarr. L-offerta saret dalgħodu fil-pjazza tal-lokalità, b’Wistin Vella u t-tim tiegħu…

Aktar