Barranin
ARA: Klijent mhux mistenni jwerwer parrukkiera fi NY

Kamera tas-sigurtà f’ħanut tax-xagħar fi New York qabdet il-mument li ċerv faqa’ l-vetrina u daħal ġewwa.

Iċ-ċerv qabeż minn fuq ras mara li kienet qed tistenna fuq sufan biex tinqeda, u kompla jiġri ’l ġewwa fil-ħanut qalb it-twerżiq ta’ dawk preżenti.

Wara ftit sekondi ċ-ċerv reġa’ ġera ’l barra, u din id-darba pprova joħroġ mill-bieb tal-ħġieġ, li minkejja li qarraq bih għax kien magħluq, irnexxielu jiftħu u joħroġ.

Inċidenti bħal dawn qed isiru iktar komuni fi New York, hekk kif naqset il-kaċċa għaċ-ċerv waqt li kompla jinfirex il-bini. Għalhekk, il-popolazzjoni ta’ ċriev qed tiżdied waqt li l-ambjent naturali tagħhom qed jonqos.