Lokali
ARA: Koppja Maltija tinqabad fil-maltemp tat-tifun Hagibis fil-Ġappun

Koppja Maltija li qed tgawdi qamar il-għasel fil-Ġappun inqabdet fil-maltemp li ġab miegħu t-tifun Hagibis.

Steve u Maria Sciberras, ikkuntattjaw lil TVM, fejn qalulna li qed jistkennu f’lukanda f’Tokyo wara li ngħataw struzzjonijiet biex ma joħorġux ‘il barra sakemm jgħaddi kollox.

Il-koppja Sciberras qalet li esperjenzat riħ qawwi u xita qalila filwaqt li sabet il-ħwienet u s-stabbilimenti kollha magħluqin . Għalkemm il-maltemp tappnilhom xi ftit il-btala, huma beħsiebhom ikomplu bil-pjanijiet tagħhom li jduru mal-pajjiż ladarba jikkalma kollox.

Ix-xita qalila u r-riħ qawwi li laħaq il-225 km/h qed jolqtu xi partijiet tal-pajjiż tant li mas-7 miljuni ta’ persuni ġew imħeġġa jitilqu minn djarhom minħabba biża’ ta’ għargħar u valangi.

Dan it-tifun qed jitqies l-agħar wieħed li qatt laqat il-pajjiż f’dawn l-aħħar 60 sena.

Il-maltemp ġab lill-pajjiż għarkubbtejh hekk kif is-servizzi tat-trasport mhux qed jaħdmu u diversi titjiriet tħassru.

Bħalissa eluf ta’ partitarji jinsabu l-Ġappun biex isegwu r-Rugby World Cup 2019, iżda kien hemm xi logħob spiċċa tħassar kawża tal-maltemp qawwi li ħakem partijiet mill-pajjiż.

https://twitter.com/JRFUMedia/status/1182846004782977024

S’issa, raġel tilef ħajtu f’Chiba, viċin il-belt kapitali tal-pajjiż wara li r-riħ qawwi qalbitlu l-karozza li kien jinsab fiha.

Aħbarijiet Oħra
Kronaka

F’żewġ każijiet separati, llum żewġt irġiel ippruvaw iweġġgħu lilhom infushom waqt li kienu miżmuma fil-lock-up tal-Pulizija. L-ewwel każ seħħ fis-sagħtejn neqsin kwart u nvolva raġel Eġizzjan, waqt li t-tieni każ…

Attività

Min-nhar l-Erbgħa sal-Ħadd li ġej it-toroq fiċ-ċentru tar-Rabat qed jilqgħu ir-raba’ edizzjoni ta’ Natalis Notabilis, l-ikbar villaġġ tal-Milied f’Malta. Fost l-attrazzjonijiet, bankarelli b’ikel tradizzjonali tal-Milied, logħob għat-tfal u produzzjonijiet tad-drama…

Politika

Ikomplu jterrqu fil-lokalitajiet u anke fuq il-mezzi tal-media biex jirbħu l-qlub u l-vot tal-attivisti Laburisti li fil-11 ta’ Jannar iridu jgħażlu bejn id-deputat Prim Ministru Chris Fearne u d-Deputat Robert…

Qorti

Mara u raġel skansaw il-ħabs u ġew illiberati mill-akkużi kollha wara li appellaw minn sentenza tal-Qorti tal-Maġistrati. Anne Axiak ta’ 48 sena kienet weħlet 14-il xahar ħabs u Edward Grech…

Aktar