Lokali
ARA: Kulħadd jgħid tiegħu fuq it-Tazza tad-Dinja mingħajr it-Taljani

It-Taljani f’Malta u l-Maltin li jappoġġjaw it-tim nazzjonali tal-futbol Taljan għadhom ma jistgħux jemmnu kif fost it-tnejn u tletin team li fis-Sajf li ġej se jmorru r-Russja għat-Tazza tad-Dinja, mhux se jkun hemm l-Italja.

Dan wara li l-bieraħ fil-logħba deċiżiva kontra l-Iżvezja, it-Taljani naqsu milli jdawru t-telfa ta’ wieħed b’xejn li sofrew tlett ijiem qabel.

It-Taljani li tkellimna magħhom qalulna li d-diżappunt tat-tim Taljan jirrifletti l-istat tal-football u l-pajjiż b’mod ġenerali, waqt li Maltin jinsabu mħassba mill-effett fuq il-kummerċ.

Għat-Taljani u d-dilettanti kollha tat-tim nazzjonali tal-football tal-Italja matul is-sajf li ġej m’hu se jkun hemm l-ebda ‘iljieli maġiċi’ mimlija qtigħ il-qalb waqt li jinġabru quddiem it-televiżjoni biex isegwu l-akbar avveniment tal-football li jsir kull erba’ snin, it-Tazza tad-Dinja.

Minbarra fl-ewwel edizzjoni tat-Tazza tad-Dinja fl-1930, kien biss sittin sena ilu li t-Taljani ma kkwalifikawx għat-tazza tad-dinja.

Iltqajna ma’ erba’ Taljani li wrew id-dieqa u d-diżappunt tagħhom li t-tim nazzjonali ta’ pajjiżhom mhux se jikkompeti fit-Tazza tad-Dinja.

Il-footballer Clayton Failla – li lagħab darbtejn kontra l-Italja – ddeskriva bħala telfa kbira li l-Italja mhux se jieħdu sehem imma stqarr li l-wirjiet tat-tim taljan fl-aħħar xhur ma kienux ta’ livell.

Il-captain u leġġenda tal-football Taljan, Gianluigi Buffon temm qabel mistenni l-palk internazzjonali tal-football u c-ċelebrazzjoni tar-rebħ tat-Tazza tad-Dinja ħdax-il sena ilu jibqgħu fil-memorja tiegħu u ħafna dilettanti oħrajn fl-aħħar okkażjoni li l-football Taljan kien fil-quċċata tad-dinja.

Ara x’kellhom xi jgħidu Maltin u Taljani fil-filmat:

Aħbarijiet Oħra
Waqt il-Kafé

WAQT IL-KAFÉ… ma’ Joe Julian Farrugia   Ħadd ma jaf x’jismu. Kulħadd bħala “l-għaġeb” jafu. Miskin, setgħu sabulu laqam aħjar, imma dal-laqam weħel miegħu u m’hemmx li jitilqu. Kull sena…

Qorti

Il-Qorti tal-Appell ikkonfermat li l-Kunsill Lokali u Transport Malta ma kellhomx jinżammu responsabbli għal bankina li ċediet fil-Gżira waqt xogħlijiet ta’ kostruzzjoni fuq sit privat. Christopher Mifsud fetaħ kawża biex…

Unjoni Ewropea

L-Unjoni Ewropea qed tirrealizza li għandha tirrikonoxxi l-potenzjal li għandha l-Afrika. Skont il-Prim Ministru Joseph Muscat qed jintuża ton differenti bejn iż-żewġ naħat biex mhux biss jindirizzaw il-kwistjoni tal-immigrazzjoni, iżda…

Qorti

Żewġ persuni se jitressqu l-Qorti ikar tard illum b’rabta ma’ attentat ta’ serqa li seħħet fil-ħanut Crystal Palace f’Ħaż-Żabbar ix-xahar li għadda. Skont il-Pulizija, wara investigazzjoni li ilha sejra għal…

Aktar