Lokali
ARA: L-imħabba f’ċurkett speċjali lil xulxin f’San Valentinu

David Cauchi u Maria Spiteri huma żewġ żgħażagħ bid-Down Syndrome. Ilhom f’relazzjoni 5 snin u x-xewqa tagħhom hi li jiżżewġu.

Lejlet San Valentinu, David u Maria appellaw lill-persuni bħalhom biex ma jibżgħux jidħlu f’relazzjoni għax huma kapaċi jħobbu daqs ħaddieħor.

Fuq is-sufan tal-kunjata tiegħu, sibt lil David Cauchi pulit pulit jistenna lis-sieħba tiegħu . . . Maria Spiteri .. waqt li kienet qed tagħmel l-aħħar irtokki. David u Maria huma koppja bid-Down Syndrome li ltaqgħu b’ċikka għand tax-xagħar 5 snin ilu . . . u minn dakinhar nibtet relazzjoni bejniethom.

”David vera wiċċu ħelu. Iffansjajtu. Il-boyfriend tiegħi huwa David għax għalija vera ħelu, gustuż, jaf jilbes pulit u kollox jaf jagħmel.”

Ma tgħaddiex ġurnata li ma jaħsbux f’xulxin.

”Niltaqgħu u nċemplu lil xulxin. Inċemplu kuljum mit-Tnejn sal-Ħamis u niltaqgħu l-Erbgħa għall-music, bowling u kompjuter” qal David.

Lejlet San Valentinu, David u Maria għandhom rigal għal xulxin.

”Jien se ntiha xi ħaġa: iċ-ċurkett”

”Kartolina? Għadni le. Imma nixtrilu ċurkett. Engage.”

Għandhom xewqa qawwija li jiżżewġu.

”Jien inħobbu u nibqa’ nħobbu. Inkunu familja magħqudin u nkunu nistgħu niżżewġu.”

”Iva. Is-song tagħna hi Power of Love” qal David.

Omm David qalet li binha ma timmaġinahx mingħajr Maria.

”Kif iqum ġieli jkun kmieni, ngħidlu mhux issa għax għadhom reqdin. Ma joqgħodx mingħajrha.”

Tal-istess fehma omm Maria.

”Bħala Down Syndrome huma sensittivi ħafna. Kollha. Qalbhom tad-deheb. Iħobbu ħafna u mħabba vera.”

David u Maria huma xempju ta’ mħabba mingħajr kundizzjonijiet.

David u Maria jirrakkuntaw dwar imħabbithom fil-programm INSIGHTS nhar il-Ħadd fl-10.30pm fuq TVM.

 

 

Aħbarijiet Oħra
Teknoloġija

Il-Kap Eżekuttiv tal-GO, Nikhil Patil, qal li kważi wasal nofs triq l-investiment ta’ €100 miljun li l-kumpanija qed tagħmel f’sistema ta’ fibre optic cable għas-servizzi tagħha. Huwa qal li dal-proġett…

Lokali

Wara li lbieraħ filgħaxija ġġarraf bini fi Gwardamanġa, Transport Malta qalet li qed tissospendi t-testijiet tat-teorija minħabba li l-uffiċċju fejn isiru dawn it-testijiet huwa parti minn din il-binja li ġġarfet….

Lokali

Il-Kummissjoni Ġustizzja u Paċi tal-Knisja organizzat laqgħa ta’ djalogu ma’ rappreżentanti tal-partiti politiċi dwar il-politika li għandu jħaddan il-Parlament Ewropew fil-leġislatura li jmiss. Il-Kummissjoni għażlet it-tema ‘Naġġustaw l-Ewropa għall-Ġid Komuni’…

Turiżmu

Fl-ewwel tliet xhur ta’ din is-sena ġew Malta ftit aktar minn 78,000 turist abbord il-vapuri tal-passiġġieri. Skont ċifri tal-Uffiċċju Nazzjonali tal-Istatistika kien hemm żieda ta’ aktar minn 810,000 passiġġier meta…

Aktar