Edukazzjoni
ARA: L-istudenti jgħidu tagħhom dwar l-eżami tal-Matematika

L-eżami tal-Matematika għall-istudenti fl-iskola medja li dwaru nqalgħet kwistjoni industrijali bejn il-Union tal-Għalliema l-MUT u l-Ministeru tal-Edukazzjoni jidher li għadda mingħajr ma nqalgħu diffikultajiet. L-istudenti li tkellmu ma’ TVM, malli ħarġu mill-eżami fl-iskola San Benedittu f’Ħal Kirkop qalu li ma sabux sorpriżi u l-mistoqsijiet kienu skont is-sillabu li tgħallmu tul is-sena skolastika.

Huwa pjutost normali li l-eżamijiet inisslu xi ftit ta’ ansjetà fl-istudenti u din is-sena l-istudenti li kellhom jagħmlu l-eżami tal-Matematika u tal-Malti seta’ kellhom doża oħra ta’ inċertezza minħabba li l-karti tal-eżami ma sarux mill-għalliema tagħhom minħabba direttiva tal-Union tal-Għalliema dwar tilwima li għandha mal-Ministeru tal-Edukazzjoni minħabba nuqqas ta’ għalliema li wassal biex f’dawn is-suġġetti wħud mal-għalliema spiċċaw bil-massimu ta’ 25 lezzjoni fil-ġimgħa.

Il-Ministeru tal-Edukazzjoni kontra x-xewqa tal-MUT għamel arranġamenti alternattivi biex l-istudenti ma jitilfux l-eżami li huma kejl ta’ dak li tgħallmu tul is-sena. Wara sessjoni tal-eżami tal-Matematika, TVM staqsa lill-istudenti kif ħassew f’dawn l-eżamijiet annwali.

Kelliema għall-Ministeru tal-Edukazzjoni qalet lil TVM li l-karta tal-eżami saret minn professjonisti u saru arranġamenti alternattivi biex dawn l-eżamijiet jiġu kkorreġġuti minnhom ukoll.

Intant id-direttiva tal-MUT li għadha fis-seħħ minbarra fl-iskejjel medji, se taffettwa wkoll l-eżamijiet tal-Matematika u l-Malti fl-iskejjel sekondarji.

Aħbarijiet Oħra
Droga

L-Aġenziji li jaħdmu mal-vittmi tad-droga fosthom is-Sedqa u l-Caritas huma tal-fehma li l-użu rikreattiv tal-kannabis m’għandux ikun promoss għax ikattar il-kultura favur l-abbuż tad-droga. Din il-fehma intweriet waqt il-programm Dissett…

Partit Nazzjonalista

Il-President tal-Kunsill Ġenerali tal-Partit Nazzjonalista Kristy Debono qalet fi stqarrija li sabet li 84 mill-200 firma fil-petizzjoni li titlob biex jitlaqqa’ l-Kunsill Ġenerali biex jiddiskuti l-ġejjieni tal-Kap tal-Partit Nazzjonalista huma…

Lokali

Ta’ tnax-il sena sofriet diżabilità minħabba mard u wara ħafna snin ta’ żwieġ kellha tifel bil-kundizzjoni down syndrome. Minkejja l-isfidi, Lorraine Pellicano tgħid li Thomas berkilha ħajjitha u ħerqana li…

Lokali

Meqjusa fost l-ewwel tobba f’Malta li bdiet taħdem bla heda mal-vittmi tad-droga, ħidmet it-tabiba Maria Sciberras tfakkret f’konferenza f’għeluq il-25 sena mit-twaqqif tal-Aġenzija Sedqa u fil-jum internazzjonali kontra l-abbuż u…

Aktar