Unjoni Ewropea
ARA: L-MEPs Maltin jitkellmu dwar dak li jridu jaħdmu fuqu

Id-disa’ leġiżlatura tal-Parlament Ewropew bdiet uffiċjalment din il-ġimgħa fi Strasburgu. Il-membri minn 190 partit politiku minn 28 stat membru ltaqgħu għall-ewwel sessjoni parlamentari tagħhom fil-Parlament Ewropew.

Fil-ħames snin li ġejjin jidher se jkun hemm sforz qawwi mill-membri tal-Parlament Ewropew dwar l-ambjent, it-tmexxija taż-żona tal-ewro u dwar is-sigurtà u l-politika ta’ difiża komuni fl-Ewropa. Kwistjonijiet li jolqtu direttament lil Malta.

It-22 kumitat u sotto-kumitati tal-Parlament Ewropew jaddottaw rapporti u jikkonsultaw ma’ esperti dwar numru ta’ suġġetti li jvarjaw mill-politika barranija għas-sajd u d-drittijiet tan-nisa. Is-sitt ewroparlamentari Maltin se jkunu qed jaħdmu f’għaxar kumitati minnhom.

L-akbar żewġ gruppi politiċi; il-Popolari u s-Soċjalisti, li huma msieħba fihom is-sitt ewroparlamentari Maltin, m’għadx għandhom il-maġġoranza fil-Parlament. Bejniethom għandhom 336 membru.

F’kummenti li taw lil TVM, l-Ewroparlamentari Maltin tkellmu dwar il-konsegwenzi li jista’ jkollha din is-sitwazzjoni fuq il-proċess ta’ teħid tad-deċiżjonijiet, kif ukoll dwar il-prijoritajiet tagħhom għal din il-leġiżlatura. Segwi l-filmat:

Aħbarijiet Oħra
Politika

Is-Servizz tas-Sigurtà Malti għandu taqsima apposta dedikata għall-ġbir ta’ informazzjoni rilevanti għall-investigazzjonijiet dwar il-qtil ta’ Daphne Caruana Galizia. Dan joħroġ mir-rapport annwali tal-Kumitat Nazzjonali tas-Sigurtà għas-sena li għaddiet fejn jingħad…

Teknoloġija

Il-kumpanija tat-telekomunikazzjoni Melita nediet ċentru ġdid tad-data kif ukoll pjattaforma tal-Internet of things. Permezz ta’ din it-teknoloġija, numru ta’ oġġetti fid-dar jistgħu jiġu mqabbda mal-internet biex jiġu kkontrollati minn fuq…

Politika

Fil-Belt l-għaqdiet Repubblika u Occupy Justice organizzaw protesta fejn talbu li l-parlamentari jwarrbu lil Joseph Muscat minn Prim Ministru, jekk dan ma jirriżenjax minn jeddu.  Qalu li l-Prim Ministru missu…

Lokali

Għall-ewwel darba, l-Ungerija għandha preżenza diplomatika permanenti f’Malta permezz ta’ konsolat fil-Belt Valletta. Fl-inawgurazzjoni, il-Ministru tal-Affarijiet Barranin u l-Kummerċ tal-Ungerija qal li pajjiżu qed jappoġġja l-kandidatura ta’ Malta biex tiġi…

Aktar