Kultura
Ara l-preparamenti tat-tfal Beltin għall-Karnival

Huma ħafna l-Beltin involuti fil-Karnival: minn karristi . . . sa żeffiena . . . għal oħrajn involuti fl-organizazzjoni, b’ħafna mill-attivitajiet ewlenin organizzati minn għada sat-Tlieta li ġej fit-toroq ewlenin tal-kapitali.

L-ispirtu tal-Karnival jinħass ma’ kull rokna tal-Iskola Primarja tal-Belt. Imdakkra mill-entużjażmu fid-dar u bl-appoġġ tal-kap tal-iskola, Victoria Spiteri, it-tfal Beltin huma ħerqana ħafna għar-renju tal-bluha li uffiċjalment jibda mill-Ġimgħa.

”Hemm min hu inkwetat li forsi l-ġenerazzjonijiet iż-żgħar m’għadhomx daqshekk intiżi f’din l-arti tista’ tgħidilha u allura nħeġġuhom biex minn età żgħira jaħdmu biex iżommu dawn it-tradizzjonijiet ħajjin.”

Kieran għad għandu tliet snin. Diġà għandu passjoni għall-univers. Mhux talli jaf isem il-pjaneti, iżda saħansitra għamel karru bihom.

Bl-għajnuna ta’ missierha u sħabha tal-iskola, Gloria Cassar bniet karru li juri l-Granmastru La Valette. Tgħid li l-karru ħadilhom kważi disa’ ġimgħat biex lestewh.

”Fih żebgħa u hekk fih karti, injam u ħafna affarijiet oħra, qed juri lil La Valette u Mini Mouse.”

It-tfal kollha middew idejhom biex jieħdu sehem fl-esperjenza tal-Karnival. Min għamel karru żgħir, min iddisinja l-maskri u oħrajn ħejjew il-kostumi.

Imrobbija l-Belt, ħafna minnhom trawmu fil-Karnival li jistennew bi ħġarhom minn sena għall-oħra.

Bl-inizjattiva tal-Iskola Primarja tal-Belt, l-istudenti għamlu replika ta’ oġġetti u avvenimenti assoċjati mal-Karnival: minn żfin għal ballijiet bil-maskaruni, u karrijiet permezz ta’sessjonijiet li wettqu ma’ dawk li huma direttament involuti mal-komunità tal-Karnival.

Aħbarijiet Oħra
Politika

B’reazzjoni għall-istqarrija tad-deputati Nazzjonalisti li rrefera għalihom bħala li sal-lum mhux magħrufa, il-Kap tal-Oppożizzjoni u tal-Partit Nazzjonalista Adrian Delia qal li s-sottomissjonijiet legali diġà saru minnu stess mal-President ta’ Malta…

Politika

Stennija għal direzzjoni mill-President ta’ Malta George Vella dwar il-kariga tal-Kap tal-Oppożizzjoni skont kif inhu ggwidat mill-kostituzzjoni. Fl-aħħar jumejn, il-President Vella iltaqa’ mad-deputati eletti f’isem il-Partit Nazzjonalista biex jara kif ser…

Ikel

Is-sħana qed tagħmel tagħha u ġelat jinżillek għasel. Iżda id-Direttorat għas-Saħħa Ambjentali fi ħdan is-Sovrintendenza tas-Saħħa Pubblika qed jinforma lill-pubbliku sabiex ma jikkonsmax il-ġelat tad-ditta Smiles li jinbiegħ f’volumi ta’ żewġ litri.  Smiles informat lid-Direttorat għas-Saħħa Ambjentali li…

Mużika

Il-prekawzjonijiet minħabba l-Covid qanqlu l-ħtieġa għal aġġustamenti fil-mod kif jiġu organizzati l-festivals u l-avvenimenti. Għal dan il-għan, Festivals Malta fasslet Festival li qed issir abbord double decker li qed iddur…

Aktar