Stejjer Umani
ARA: “Malli erfajtu qabżitli demgħa” – is-Surġent li sab lit-tifel abbandunat

It-tarbija tat-twelid imgeżwra fi qmis ċelesti tħalliet abbandunata fuq l-għatba tal-blokka bl-isem ‘Cyril Court’ fid-daħla ta’ Triq il-Pijunieri f’Buġibba. Il-Pulizija fl-Għassa tal-Qawra ġiet infurmata biha għall-ħabta tal-4pm u kien is-Surġent Glen Carabott li ħaddan it-tarbija miegħu meta refagħha minn fuq l-għatba.

Ma’ TVM is-Surġent Glen Carabott qal li l-ewwel ħsieb li ġieh f’moħħu meta qalulu li nstabet tarbija abbandunata kien li xi tifel/tifla żgħira ħarġet barra u ssakret. Qal li madankollu xħin wasal fuq il-post ra tarbija tat-twelid fl-art. Is-Surġent qal li fis-16-il sena li ilu fil-Korp tal-Pulizija qatt ma ltaqa’ ma’ każ simili.

Viżibilment emozzjonat spjega li xħin wasal u ra dik ix-xena ħa ritratt biex jippriserva l-provi. Qal li xħin refa’ lit-tifel qabadlu sebgħu u dlonk qabiżitlu demgħa.

Is-Surġent kompla jispjega li l-kurdun tat-tarbija kien għadu intatt.

Ara wkoll:

FILMAT ESKLUSSIV: It-tarbija abbandunata tingħata l-isem ta’ Cristiano

Aħbarijiet Oħra
Lokali

“Għajnu Aħmar it-Tonn” jew “It-Tonn tal-Melliħin” kienet l-għajta tas-sajjieda Melliħin li sal-bidu tas-sittinijiet kienu jbiegħu t-tonn li jaqbdu bit-Tunnara. Is-sajd bit-tunnara nqata’ iżda fil-mużew tat-Tunnara fil-bajja tal-Mellieħa, għaqda volontarja Melliħija ikkonservat…

Pulizija

Fl-aħħar xahrejn, l-uċuħ ta’ erba’ Pulizija saru familjari mal-komunità tal-Mellieħa. Ir-residenti laqgħuhom u jqisuhom “ta’ ġewwa”. Dawn l-erba’ uffiċċjali jiffurmaw l-ewwel Community Policing Team fi proġett pilota mniedi mill-Korp. Intervistat…

Malta

Fil-Greċja, hemm madwar 3,500 persuna b’konnessjonijiet Maltin, il-maġġoranza f’Korfu fejn jgħixu Griegi b’nisel Malti li saħansitra jwasslu sar-raba’ u l-ħames ġenerazzjoni. Waqt żjara fil-Greċja, il-President George Vella ltaqa’ ma’ rappreżentanti…

Kisbiet

Imwieled Malta u emigra lejn l-Awstralja 44 sena ilu wara li gradwa mill-Università ta’ Malta dak iż-żmien kienet magħrufa bħala The Royal University of Malta. F’intervista ma’ TVM, il-Professur Stephen…

Aktar