Lokali
ARA: Mat-30 pazjent qed jistennew bi ħġarhom it-tieni Dar Bjorn f’Ħaż-Żebbuġ – mart Bjorn

It-tieni Dar Bjorn hija dar ikbar f’Ħaż-Żebbuġ, bil-għan li tilqa’ iktar pazjenti u se tkun tinkludi s-servizzi kollha li ma setgħux jingħataw fl-ewwel dar.  Il-proġett għadu jrid jibda għax id-dar trid titwaqqa’ u tinbena mill-ġdid.

Maria, mart Bjorn Formosa, fundatur tal-ALS Malta, qalet fil-programm Waranofsinhar li t-tieni dar hija ppjanata li tilqa’ 30 pazjent, li bħalissa jinsabu fuq il-lista ta’ stennija biex jingħataw kura speċjalizzata għall-ALS.

Bħalissa hemm 13-il persuna f’Dar Bjorn, f’Ħal Qormi, liema dar fetħet is-sena li għaddiet fuq xewqa ta’ Bjorn, b’investiment li sar mid-donazzjonijiet tan-nies u bl-għajnuna tal-Gvern.  Bjorn għadu kif għamel operazzjoni kbira u kienet trawma għalih.

Ara x’qalet Maria dwar ix-xogħol li qed isir mill-ALS, minn Dar Bjorn u x’hemm ippjanat għat-tieni Dar Bjorn f’din l-intervista waqt Waranofsinhar.

Ara wkoll:

Dar Bjorn tiftaħ il-bibien għal 13-il persuna li jbatu mill-ALS

Aħbarijiet Oħra
Kurżitajiet

Fl-istadium ta’ Ramón Sánchez Pizjuán f’Sevilla, tfaċċat il-bandiera Maltija fost il-partitarji li marru jsegwu logħba football tas-Sevilla kontra r-Rayo Vallecano. Jidher li fost il-partitjari, kien hemm Malti kburi b’pajjiżu u…

Edukazzjoni

Sittin tifel u tifla mill-iskejjel primarji tal-istat ta’ Malta u Għawdex ħadu sehem f’attività tal-Brillantini tal-Kitba li l-Aġenzija Nazzjonali tal-Litteriżmu organizzat f’Ruma. Permezz tal-iskema ‘Brillantini tal-Kitba’, tfal ta’ disa’ snin,…

Tfal

Il-Prim Ministru, Joseph Muscat, qal li l-Gvern se jressaq emendi fil-liġi tal-addozzjonijiet biex it-tfal addottati jieħdu ċ-ċittadinanza Maltija awtomatikament meta jiġu addottati minn koppji Maltin. Waqt li indirizza l-ewwel konferenza…

Aktar