Kronaka
ARA: Miljuni ta’ sigaretti moħbija f’serratizzi foloz fil-Port Ħieles

Uffiċjali tad-Dwana qabdu miljuni ta’ sigaretti moħbija f’serratizzi foloz tal-injam li kienu qed jinġarru mir-Russja lejn l-Ewropa.

Fi stqarrija maħruġa mid-Dwana ntqal li l-qabda saret mill-uffiċjali tal-Iscanning Unit fil-Port Ħieles, wara tiftix fuq kontejner li wasal f’Malta, u li ddikjara li kien qed iġorr planki tal-injam.

Meta nfetaħ instab li l-kontejner tassew kien fih il-planki, iżda meta ngħadda mill-iscanner, fih bdew jintlemħu xejriet suspettużi. Kienet innutata wkoll diskrepanza fil-piż bejn serratizz u ieħor.

L-uffiċjali tad-Dwana għalhekk iddeċidew li jaqsmu wieħed mis-serratizzi, u ġo fih sabu xejn inqas minn 48 pakkett tas-sigaretti tal-kuntrabandu.

Wara operazzjoni ta’ 36 siegħa, instabu 145,000 pakkett ta’ sigaretti li b’kollox ammontaw għal 2,900,000 sigarett. It-taxxa li kellha titħallas fuq dawn is-sigaretti taqbeż €670,000.

Aħbarijiet Oħra
Lokali

Il-lunetta ta’ San Franġisk li hija parti mill-fortikazzjonijiet tal-Furjana li jħarsu lejn il-Port il-Kbir treġġgħet lura għall-istat oriġinali tagħha wara xogħol estensiv mid-direttorat tar-restawr fi ħdan il-ministeru tal-ġustizzja. Il-fortifikazzjonijiet jagħmlu…

Lokali

Lejlet laqgħa tal-Kunsill Ewropew fi Brussell, l-Għaqda Repubblika f’ittra lill-President tal-Kunsill Ewropew Charles Michel, talbietu biex ma jħallix lill-Prim Ministru Joseph Muscat jattendi dan is-summit. Qalet li s-sehem tiegħu fil-Kunsill…

Lokali

L-Awtorità għall-Ambjent u r-Riżorsi (ERA) ħarġet Ordni ta’ Konservazzjoni u Avviż ta’ Protezzjoni fil-Mensija, limiti ta’ San Ġwann li tinkludi s-sit ta’ applikazzjoni għall-iżvilupp propost bin-numru PA / 04214/19.  Din…

Aktar