Barranin
ARA: Min kien l-iktar oriġinali fl-ilbies għall-Met Gala?

Ir-rapper Cardi B attirat l-iktar attenzjoni fis-serata annwali tal-Met Gala fi New York.  Dan hekk kif libset libsa ta’ Thom Browne lewn aħmar skur, b’kuda ta’ 10 piedi li kienet magħmula minn eluf ta’ rix.

F’dan l-avveniment li jkun biss miftuħ għal dawk li jkollhom invit u l-parti l-kbira jkunu ċelebritajiet, Jennifer Lopez ukoll serqet ix-xena b’libsa tad-ditta Versace b’headpiece mill-materjal tal-libsa stess.

Kien hemm ukoll Lady Gaga li spikkat bil-libsa kbira ta’ lewn roża tad-dar tal-moda Brandon Maxwell, filwaqt li Katy Perry libset libsa f’forma ta’ linfa.

L-artist Billy Porter kien liebes id-deheb minn rasu sa saqajh bħal li kieku kien xi Eġizzjan tal-qedem.  Huwa twassal sal-post fejn saret is-serata minn 6 irġiel bla qmis.

It-tema għal din is-sena kienet ‘Camp: Notes on Fashion’ u titratta l-umoriżmu, l-esaġerazzjoni u l-interpretazzjoni liberali.  Hija ispirata mill-komponiment tal-kittieba Susan Sontag tal-1964 ‘Notes on Camp’.

Aħbarijiet Oħra
Safar

Persuni li kienu qed jistennew biex imorru vaganza jista’ jkun li jibqgħu b’xiber imnieħer minħabba attivitajiet jew titjiriet li qed jiġu kkanċellati f’diversi pajjiżi bħala prekawzjoni kontra l-imxija tal-coronavirus. F’dan…

Kurżitajiet

Illejla, ‘X’sar minnhom’, jissokta bi programm ieħor, bil-għan li jqanqal xi ftit tan-nostalġija qalb it-telespettaturi ta’ Television Malta billi jerġa’ ‘jagħti l-ħajja’ lil għadd ta’ persuni lokali magħrufa, u li…

Barranin

Il-Kap Eżekuttiv tal-kumpanija Apple, Tim Cook, ħabbar li s-sena d-dieħla l-kumpanija se tkun qed tiftaħ l-ewwel ħwienet tagħha fl-Indja. Hu ħabbar dan waqt laqgħa tal-azzjonisti, fejn qal li l-kumpanija kellha…

Barranin

L-Italja huwa uffiċjalment l-iktar pajjiż fid-dinja fejn il-virus qed jinxtered b’ rata mgħaġġla, saħansitra iktar miċ-Ċina, minn fejn beda. Ilbieraħ l-Italja rat żieda ta’ 25% f’każi ġodda ta’ Covid-19, fejn sa…

Aktar