Kurżitajiet
ARA: Min kien rebaħ l-ewwel tellieqa tar-Rolex Middle Sea?

Dilettanti tat-tbaħħir illum jinsabu fuq ix-xwiek sakemm tibda t-tellieqa li ta’ kull sena sseħħ bi preparamenti kbar f’pajjiżna.

Illum se sseħħ l-40 edizzjoni tar-Rolex Middle Sea Race bi flotta ta’ 113 yacht li se jbaħħru mill-Port il-Kbir f’tellieqa ta’ 600 mil.

Din it-tellieqa nibtet mir-rivalità bejn il-membri tar-Royal Ocean Racing Club (RORC) Alan Green u Jimmy White, żewġt Ingliżi li kienu jgħixu Malta u l-Membri Maltin tar-Royal Malta Yacht Club, Paul u John Ripard.

Dawn iż-żewġt Klabbs ipproponew lill-Kumitat tar-RMYC rotta twila għat-tlielaq li jibdew u jispiċċaw f’Malta fix-xhur tal-ħarifa.

Din it-tellieqa ilha ssir ġewwa pajjiżna mill-1968 bl-ewwel rebbieħ kien wieħed mill-fundaturi, John Ripard li f’dan il-filmat jidher qed jirċievi l-ewwel trofew mis-Sur Anthony Miceli Farrugia.

TVM se jkun qed ixandar dirett it-tellieqa Rolex Middle Sea fl-10:30.