Barranin
Ara min rebaħ il-Brit Awards għal din is-sena

Is-sehem ta’ George Ezra, Little Mix, “The 1975”, u l-artist Hugh Jackman, li interpreta kanzunetta mill-film “The Greatest Showman”, kienu wħud mill-attrazzjonijiet fis-serata tal-BRIT Awards f’O2 Arena f’Londra. L-istennija iżda kienet għall-mument meta tħabbru r-rebbieħa f’erbatax-il kategorija.

Il-band “The 1975″ li ddoqq mużika pop u rock rebħet żewġ Brit Awards: għall-aqwa grupp u għall-album tas-sena b'”A Brief Inquiry into Online Relationships.”

Id-DJ Skoċċiż, Calvin Harris, li fil-karriera tiegħu kkolabora ma’ artisti bħal Rihanna u Sam Smith rebaħ Brit Awards għall-aqwa producer u għall-aqwa kanzunetta One Kiss, li pproduċa mal-kantanta Dua Lipa.

Il-kantawtriċi Amerikana Pink, li għalqet iċ-ċerimonja b’medley tal-aktar diski popolari tagħha, ġiet onorata b’unur għall-kontribut siewi li tat lill-industrija mużikali. Hija kienet l-ewwel artista internazzjonali li qatt irċievet dan il-premju.

Il-kantanta soul, Jorja Smith, rebħet Brit Award għall-aqwa artista solo filwaqt li George Ezra rebaħ l-Brit Award għall-aqwa artist Ingliż.

L-aqwa video tas-sena nterbaħ mill-grupp Little Mix għall-kanzunetta “Woman Like Me” li pproduċew b’kollaborazzjoni mar-rapper Nicki Minaj, filwaqt li Tom Walker rebaħ l-aqwa Breakthrough Act Ingliż, għall- “Leave a Light on”.

Fil-kategoriji internazzjonali il-kantanta Ariana Grande, li kisbet suċċess b'”Thank U, Next” rebħet l-Brit Award għall-aqwa artista solo mara, filwaqt li r-rapper Kanadiż, Drake, rebaħ l-award għall-aqwa kantant internazzjonali solo.

The Carters magħmul mill-koppja Beyonce u żewġha r-rapper Jay Z, ħadu l-award għall-aqwa grupp internazzjonali.

Aħbarijiet Oħra
Barranin

Is-CNN qed jirrapporta li George Floyd, l-Afro Amerikan li nqatel minn pulizija f’Minneapolis, fl-Amerka, kien infettat bil-Coronavirus. Henneoin County, li għamlu l-awtopsja fuq Floyd sabu li l-vittma kien infettat bil-Covid-19…

Barranin

Waqt li l-Gvern Spanjol beda jerħi wħud mill-aktar restrizzjonijiet ebsin kontra l-virus, l-isptar del Mar f’Barċellona ħa inizjattiva li jieħu lill-pazjenti bil-coronavirus ħdejn il-baħar. Tim mediku mill-isptar Hospital del Mar,…

Barranin

Għat-tmien lejl konsekuttiv, ħafna mit-toroq ewlenin tal-istati Amerikani ma raqdux, hekk kif issuktaw il-protesti għall-qtil mill-Pulizija ta’ George Floyd. Fl-aħħar sigħat, il-vjolenza naqset, b’ħafna mill-protesti kienu paċifiċi. Waħda mill-akbar protesti…

Barranin

L-epidemoloġista tal-istat Svediż li kien il-moħħ wara l-politika tal-pajjiż li ma jimponix lockdown, ammetta li kien ikun aħjar kieku l-pajjiż impona restrizzjonijiet sabiex jikkontrolla l-imxija tal-virus. Għal xhur sħaħ Anders…

Aktar