Barranin
ARA: Min se jirbaħ fil-Golden Globes din is-sena?

Jitħabbru fis-sigħat li ġejjin ir-rebbieħa tas-sitta u sebgħin edizzjoni tal-Golden Globes f’ċerimonja li matulha jiġu ppremjati films u programmi televiżivi li jkunu spikkaw fl-aħħar tnax-il xahar.

Organizzati mill-Hollywood Foreign Press Association, din is-sena l-Golden Globes se jkunu ppreżentati mill-attriċi kanadiża Sandra Oh; u l-attur komiku Amerikan Andy Samberg f’ċerimonja li se ssir f’Beverly Hills, California.

Innominati għall-kategorija tal-aqwa film: “A Star is Born”, “Bohemian Rhapsody”, “If Beale Street Could Talk”, “Black Panther” u “BlacKkKlansman” filwaqt li n-nomini għall-aqwa kummiedja jew musical jinkludu lil “Mary Poppins Returns”, “Crazy Rich Asians”, “The Favourite”, “Green Book” u “Vice”.

L-attur rebbieħ ta’ diversi Oscars, Jeff Bridges se jingħata l-lifetime achievement award, għall-mod kif interpreta partijiet f’films fosthom il-Western, “True Grit” u l-film komiku “The Big Lebowski.”

Tul il-karriera, l-attur li għandu disa’ u sittin sena kien innominat għall-ħames Golden Globes, b’rebħa għall-parti li interpreta fid-drama tal-2009, Crazy Heart li kienet rebbħitu wkoll Oscar. Atturi li kienu rebħu dan l-award prestiġjuż jinkludu lil Oprah Winfrey, George Clooney, Robert De Niro, Audrey Hepburn, Harrison Ford, u Meryl Streep.

Aħbarijiet Oħra
Barranin

Tmien persuni mietu u 10 oħra ndarbu wara li ħakmu nirien f’lukanda fl-Ukrajna. In-nar, li tkebbes wara nofsillejl għadu mhux magħruf kif qabad. Fil-lukanda, Tokyo Star hemm mal-273 kamra. Il-pumpiera…

Barranin

Miet l-attur u direttur Peter Fonda fl-età ta’ 79 sena. Peter Fonda huwa iben l-attur Henry Fonda u ħu l-attriċi Jane Fonda. Fonda kellu bint li hija attriċi wkoll, Bridget…

Barranin

Kelliema għall-Uffiċċju tal-Kap Mediku ta’ New York, ikkonfermat li awtopsja kkonkludiet li l-finanzier Amerikan Jeffrey Epstein ta’ 66 sena, miet kawża ta’ suwiċidju. Epstein instab mejjet il-ġimgħa l-oħra fiċ-ċella tal-ħabs…

Barranin

Politiċi Daniżi qalu lill-President Amerikan Donald Trump li Greenland mhix għall-bejgħ. B’reazzjoni għar-rapporti ppubblikati fil-Wall Street Journal, dwar kif Trump allegatament iddiskuta l-possibiltà li jixtri l-akbar gżira fid-dinja mal-konsulenti tiegħu,…

Aktar