Lokali
ARA: Mixgħela fis-smewwiet bħala apprezzament għall-ħidma tal-ħaddiema kollha tas-saħħa

Ilbieraħ filgħaxija kull min inzerta fl-inħawi tal-bypass ta’ Birkirkara, San Ġwann u l-Għargħur lemaħ mixgħela fis-smewwiet bħala apprezzament għall-ħidma tal-ħaddiema kollha tas-saħħa li huma fuq quddiemnett fil-ġlieda kontra l-COVID-19.

Fl-inizjattiva msejħa #LightTheSky, il-kumpanija Studioseven ingħaqdet ma’ għadd kbir ta’ kumpaniji internazzjonali li jipprovdu servizzi ta’ dwal u awdjoviżjoni billi t-tekniċi tagħha ħolqu spettaklu tad-dawl ta’ 30 minuta.
L-ekonomisti qed jargumentaw li l-kumpaniji li jipprovdu servizzi awdjo viżivi huma fost l-aktar milquta ħażin mill-effetti tal-pandemija fuq l-ekonomija. Minkejja dan, xorta waħda ingħaqdu biex jgħidu grazzi u jagħtu sinjal ta’ tama lill-pajjizi kollha affettwati fosthom Malta.