Kronaka
ARA: “Nhar il-Ħadd għandna l-preċett tat-tifla, il-libsa baqgħet ġewwa”

Janet Walker, li ilha tgħix 20 sena fil-blokka appartamenti fil-Pietà li ġġarfet dalgħodu, spjegat kif xahar ilu kellmet lill-awtoritajiet konċernati wara li l-kuntrattur ippersista bix-xogħol minkejja li kienet qed issirilha ħsara fil-binja.

tvm.com.mt kien l-uniku sit tal-aħbarijiet li fl-10 ta’ Mejju li għadda għamel kuntatt mas-Sinjura Walker u ppubblika l-istorja tagħha, wara li fuq il-midja soċjali tellgħet ritratti tal-ħsarat li kienet ġarrbet fid-dar.

Is-Sinjura Walker tgħix fl-ewwel sular, fuq l-appartament li sfrondalu l-ħajt. B’darha mġarrfa fl-isfond, illum is-Sinjura Walker qalet li meta xahar ilu bdiet tipprotesta, kien hemm min qalilha li qed tesaġera, iżda llum ingħatat raġun.

Fissret kif dalgħodu semgħu ħoss kbir, u meta daħlet fil-kċina sabet diżastru għax il-ħajt iġġarraf minn ġewwa. Qalet li qabdu lil ommhom anzjana u ħarġu ‘l barra mid-dar minnufih.

Hija qalet li din hija l-uniku dar li għandhom, u staqsiet fejn se jorqdu llejla. Qalet ukoll li l-Ħadd li għadda t-tifla t’oħtha suppost se tagħmel il-preċett, iżda l-libsa baqgħet ġewwa.

Ara wkoll:

ARA: “Għidtlek li ċċaqlaqli kull m’hemm u int qed tkompli taħdem”

Tibża’ tgħix ġo darha – qalulha li mhemmx periklu

Aħbarijiet Oħra
Sajd

Idejh jafu jinsġu l-qasab għan-nases, anke b’għajnejh magħluqa. Bis-sengħa tan-nases fid-demm, Ġanni Xuereb, magħruf bħala Ġanni l-Pipi, illum jgħodd iktar minn 80 sena, u għadu ma telaqx in-namra max-xogħol tiegħu, …

Edukazzjoni

Is-sajf wasal biex jintemm u dħalna fl-aħħar ġimgħa qabel ma jerġgħu jibdew l-iskejjel. Iżda x’inhuma s-sentimenti tal-ġenituri u l-istudenti dwar l-bidu tas-sena skolastika ġdida? TVM tkellem mal-ġenituri u l-istudenti. Mal-wieħed…

Lokali

Waqt l-aħħar tislima li ngħatat lil Enrica lbieraħ fil-knisja ta’ San Ġiljan, inġabru €10,000 għal Puttinu Cares. Enrica kienet tgħożż il-familja ta’ Puttinu li tant tawha kuraġġ u sabar waqt…

Aktar