Lokali
ARA: Pass pass kif issir il-ftira tal-ġbejniet fin-Nadur

Għawdex hu magħruf għall-ħobż bnin li jinħema fil-fran li jinsabu f’bosta irħula. It-togħma tal-ħobż tiddependi mill-għamla tal-qiegħa u biex jissaħħan il-forn/

tvm.com.mt iltaqa’ ma’ furnar żagħżugħ li spjega r-riċetta u l-proċess tal-ftira tal-ġbejniet li hi partikolari għar-raħal tan-Nadur.

F’dan il-forn li l-qiegħa tiegħu tissaħħan bil-ħatab, kuljum jinħmew għexerien ta’ ftajjar tipiċi Għawdxin, pizza, qassatat, torti u ħobż.

F’Għawdex għad hemm ħafna karatteristiċi partikolari fosthom il-fran antiki fl-irħula, ninsabu n-Nadur u hawn dħalna f’forn li għandu 120 sena mmexxi minn żagħżugħ ta’ 26 sena.

“Sfortunatament iż-żgħażagħ tal-lum xogħol tal-idejn ma jridux jagħmlu kulħadd irid xogħol tal-iskola xogħol tal-computers, dawn l-affarijiet qed jinqatgħu, jien ma nixtieqx li dawn l-affarijiet jinqatgħu allura bqajt nagħmel dan ix-xogħol tal-idejn li llum il-ġurnata wassalni fejn wassalni,” qal il-furnar Matthew Buttigieg.

Kif intasabna ħdejn Matthew Buttigieg qalilna li qed isegwi l-passjoni għal din is-sengħa b’ħafna sagrifiċċji fosthom ħinijiet twal fuq saqajh mit-Tnejn sal-Ħadd, ftit irqad u ħafna sħana fost l-oħrajn. Kellimna wkoll fuq il-futur taż-żgħażagħ Għawdxin f’Għawdex u kif jixtieq jara lill-Għawdex fil-ġejjieni.

“Ħafna żgħażagħ qed imorru Malta kemm minħabba xogħol, kemm minħabba divertiment, kemm l-istil ta’ ħajja forsi, pero lili Għawdex jogħġobni ħafna, il-ħajja f’Għawdex hija aktar kalma minn Malta anqas stress anqas storbju u nixtieqha tibqa’ hekk ma nixtieqx issir bħal Malta,” spjega Matthew.

U kif konna fil-forn, il-furnar żagħżugħ spjegalna li l-ftira ferm mfittxija tal-ġbejniet jkun fiha bejn sitta u tmien ġbejniet, bajda jew tnejn, ftit patata u ovvjament l-għaġina. “Intri trid tiġbed l-għaġina u trikkeb dejjem waħda fuq oħra.”

Matthew jittama li aktar żgħażagħ jsegwu l-passi tiegħu u jżommu ħajjin snajja u tradizzjonijiet Maltin li jgħaġnu l-identità u l-kultura tagħna.

Aħbarijiet Oħra
Lokali

Fil-Bidnija nġabret folla nies biex tfakkar il-qtil tal-ġurnalista  Daphne Caruana Galizia, li seħħ bħal-lum sena.   Dawk preżenti poġġew fjuri u xemgħat fl-għalqa fejn spiċċat il-karozza li fiha nqatlet Caruana Galizia….

Lokali

Il-Kap tal-Oppożizzjoni Adrian Delia poġġa kuruna tal-fjuri ma’ oħrajn faċċata tal-bini tal-qorti b’tifkira tal-qtil tal-ġurnalista Daphne Caruana Galizia. Il-ġurnalista nqatlet fil-Bidnija bħal-lum sena. Il-PN qal li l-poplu għadu qed jistenna li…

Qorti

Raġel ta’ 29 sena qed jinżamm arrestat wara li allegatament sawwat u hedded lis-sieħba tiegħu. Dorde Markovic, xufier tat-taxi mwieled is-Serbja iżda residenti s-Swieqi qed jinżamm taħt arrest wara li…

Kronaka

Żewġ persuni li kienu qed isuqu mutur ittieħdu l-isptar wara impatt bejn il-mutur u trakk tal-ġebel. L-inċident seħħ għall-ħabta tas-13:30 fi Triq Ħal Farruġ viċin il-kumpanija tal-Lufthansa Teknik. Ir-raġel li…

Aktar