Ikel
ARA: Plumber u pensjonant jitħarrġu fil-ħelu tal-Milied

Ma jkunx Milied mingħajr l-kunsum abbundanti tal-ikel u l-ħelu tal-Milied mill-qagħaq tal-għasel sal-christmas logs li daħlu wkoll fil-kċina Maltija.

Il-kok dulċier Renato Briffa li jgħallem fl-istitut għall-istudji turistiċi qalilna li ħafna ħelu tal-Milied daħal minn pajjiżi oħrajn li żdied mal-ħelu tradizzjonali Malti.

“Il-qagħaq tal-qastanija u s-soufflejiet, għandek ukoll il-qassata, sponge bil-custard terġa sponge bl-irkotta ħelwa u terġa tgħattiha bl-isponge, għandek il-mince pies, l-imbuljuta u l-cocotina.”

Paul Bonello u Charles Galea għalkemm mhumiex koki għax wieħed plumber u ieħor pensjont għamlu kors fil-ħelu tal-Milied għax xtaqu jipperfezzjonaw il-ħiliet tagħhom fl-arti tal-ħelu tal-Milied.

Il-kors tal-ħelu tal-Milied fl-ITS sar fuq jumejn bl-istudenti jitħarrġu fuq varjeta kbira ta’ ħelu tal-Milied.