Ikel
ARA: Presepju mdaqqas taċ-ċikkulata armat f’lukanda

Presepju mdaqqas armat f’lukanda ewlenija huwa magħmul minn kilogrammi ta’ ċikkulata. Ma’ Television Malta, id-dulċier Jimmy Aquilina stqarr li jiehu gimghat ta’ xoghol biex jibnu dan il-presepju ghad-dahla tal-lukanda.

Fid-daħla ta’ lukanda ewlenija, issib jilqgħek prespju magħmul minn 70 kilogramma ta’ ċikkulata. Jispikka d-dettal ta’ kull pastur magħmul minn ċikkulata skura.

Il-Head Patissier tal-lukanda, Jimmy Aquilina, spjega li dax-xoghol sar fuq medda ta’ xhur. Spjega li fil-process iridu jaghtu kaz hafna t-temperatura taċ-ċikkulata.

“Jekk inti ssaħħanha u tkessaħha, imma trid twaqqaf il-proċess tagħha f’temperatura li tirrekjedi – dan huwa l-qofol tagħha.”

Id-dulċier Aquilina qal li dan il-proġett ħa madwar mitt siegħa. Zied jghid li f’daz-zmien id-dulċiera kien impenjata bit-tħejjijiet għall-ħelu tal-Milied u l-Ewwel tas-Sena. Jinnota li l-Maltin ma taqalhomx żaqqhom biss għall-ħelu tradizzjonali tal-Milied.

“Xorta jfittxu ħelu li jkun ibbażat bil-lumi, bit-tuffieħ, iċ-ċikkulata u speċjlament bl-irkotta”.

Ftit passi ‘l bogħod minn ħdejn id-dulċiera, il-kokijiet ukoll għaddejjin bit-tħejjijiet tal-ikel għal 900 ruħ.

Il-Head Chef, James Bartolo jinnota xejriet ġodda fl-aptit tal-Maltin.

“Sushi wkoll – mal-Maltin sar invoga ħafna u l-iktar li jkollna Roast hija fi New Years Day Lunch, bħal roast beef, ikollna koxxa kbira, koxxa tal-majjal, tal-ħaruf.”

Il-kok qal li frott is-sigħat twal ta’ ikel itektek fuq in-nar, jintlaħaq bl-ikliet ta’ lejliet l-ewwel tas-sena u nhar is-sena l-ġdida.

Aħbarijiet Oħra
Ambjent

Il-Wasteserv bdiet il-proċess biex tkabbar il-faċilitajiet tagħha fil-Magħtab. Madwar għoxrin bidwi fl-inħawi li bejniethom għandhom madwar 250,000 metru kwadru ta’ raba’ ġew infurmati li l-Wasteserv qed tikkunsidra li tespropja din…

Kronaka

Raġel ta’ nazzjonalità barranija ġie arrestat wara li allegatament saq fuq uffiċjal tal-pulizija. L-inċident seħħ għall-ħabta tas-17:30 fl-akkwati ta’ Buġibba u ġie arrestat ftit tal-ħin wara fil-Mellieħa. Aktar dettalji fil-ħin…

Lokali

Il-kumpanija Steward Health Care Malta ppreżentat lill-Awtorita tal-Ippjanar applikazzjoni ta’ żvilupp għall-Isptar San Luqa biex fi kliemha jerġa’ jingħata l-ħajja bħala sptar modern li jinkludi aċċessibiltà aħjar għall-ispazji miftuħin u…

Għawdex

Għadha attiva ħafna fuq l-aġenda tal-gvern l-idea li Malta jkollha sistema ta’ metro, tant li l-Ministru Ian Borg ikkonferma ma’ TVM li l-istudju dwar dan jinsab fl-aħħar fażi tiegħu u…

Aktar