Annimali
ARA: Qatt rajt qattus bħal dan f’Malta?

Uħud sufin u oħrajn qishom tigri żgħar – qtates ta’ razez differenti qed jikkompetu f’wirja internazzjonali li qed issir f’Malta li tixhed ukoll id-dilletanti numeruzi ta’ dawn l-annimali domestiċi.

Aktar minn 85 qattus ta’ 16-il razza differenti qegħdin jikkompetu f’wirja internazzjonali tal-qtates organizzata mill-Malta Feline Guardians Club.

Il-qtates qed jiġu ġudikati minn ġurija minn Spanja, l-Italja u l-Polonja membri fil-World Cat Federation, li magħha l-klabb Malti ilu affiljat għal dawn l-aħħar 13-il sena.

Il-President tal-Malta Feline Guardians Club, Kevin Micallef qal li kull qattus jiġi ġudikat skont il-kriterji tar-razza, sess u età – b’dawk taħt l-għaxar xhur mal-frieħ u jekk akbar bħala adulti.

Il-President tal-Malta Feline Guardians Club, Kevin Micallef qal “għandna l-qtates persjani, qtates eżotiċi, qtates Siberjani, is-Shpynx, il-Main Coon, ir-Ragdoll, British Shorthair, British Longhair, Scottish Fold, razza ġdida li ġiet hawn Malta minn ġewwa r-Russja l-Abyssinian.”

Hemm ukoll kateġoriji għall-qtates imsewwija u dawk domestiċi. Il-wirja li għandha wkoll skop edukattiv, tibqa’ miftuħa sal-Ħadd u qed issir f’kumpless f’Ħal Farruġ.

 

Aħbarijiet Oħra
Immigrazzjoni

164 pajjiż fosthom Malta iffirmaw dak li qed jissejjaħ Patt Globali dwar l-Immigrazzjoni Ordnata u Regolari. Waqt ċerimonja f’Marrakech fil-Marokk, intqal li dan il-patt se jwassal għall-immaniġġjar aħjar tal-migrazzjoni f’tentattiv…

Lokali

L-iskart organiku li beda jinġabar fl-aħħar xahar u nofs diġà qed jiġġenera l-enerġija daqskemm tintuża minn aktar minn 6,000 familja. Il-Kap Eżekuttiv tal-Wasteserv David Borg qal lil TVM li l-iskema…

Lokali

L-Awditur Ġenerali innota li t-tisħiħ fil-liġi tal-volontarjat li saru din is-sena għandhom isaħħu jdejn il-Kummissarju tal-Volontarjat fil-funzjoni regolatorja u l-governanza fis-settur tal-volontarjat. F’rapport li ppreżenta lill-Parlament, l-Awditur Generali Charles Deguara…

Lokali

Għalkemm qed ngħixu f’dinja li saret raħal u miżgħud b’mezzi teknoloġiċi, qed tikber il-pjaga tas-solitudni u magħha l-esklużjoni soċjali. Il-problema tinħass fil-faxex kollha tas-soċjetà, mit-tfal sal-anzjani u taf tiggrava fiż-żminijiet…

Aktar