Lokali
ARA: Qatt rajthom hekk lill-mużiċisti tal-Orkestra Filarmonika ta’ Malta?

Spettaklu sorpriża għall-eluf ta’ operaturi barranin li jinsabu Malta għall-konferenza annwali Sigma.  Dan hekk kif fil-ftuħ ta’ dan l-ikbar avveniment Ewropew għall-industrija tal-gaming, spiċċaw jiċċaqalqu mar-ritmu ta’ kompożizzjoni mużikali tradizzjonali Maltija ta’ Charles Camilleri (Malta Suite Waltz) li bdiet tindaqq għal għarrieda minn xi mużiċisti.

Kienet flash mob spettakolari mtella’ minn Wazdan li ħolqot atmosfera mhux tas-soltu bis-sehem tal-mużiċisti mill-Orkestra Filarmonika Nazzjonali.  Mal-mużiċisti ngħaqdu grupp ta’ żeffiena professjonali liebsin kostumi tradizzjonali biex dawk preżenti tpaxxew bl-ispettaklu.  Bosta kienu pronti jiffilmjaw bl-ismartphone dak li kienu qed jaraw tant li dawn ix-xeni bdew iduru malajr fuq il-media soċjali.

Wazdan hija kumpanija li għandha iktar minn 100 logħba għall-casinos virtwali u li għandha bażi f’Malta, Curacao u dalwaqt fir-Renju Unit.  Din il-kumpanija ħasbet li tqajjem kurżita’ b’din il-flash mob fost it-8,000 operatur li hawn Malta minħabba li s-sena d-dieħla l-Belt Valletta se tkun il-Kapitali Ewropea tal-Kultura.

Ara hawnhekk l-atmosfera li nħolqot mill-flash mob waqt is-Sigma:

Aħbarijiet Oħra
Kultura

Esebizzjoni li żżewwaq il-figurattiv mas-surreali, il-pitturi ta’ Alfie Gatt jinstigaw u jnebbħu l-kilba għal dak li huwa naturali. “Love Letter” hija kollezzjoni ta’ xogħlijiet artistiċi mimlija immaġinazzjoni. Alfie Gatt huwa…

Stejjer Umani

Iċ-Champion ta’ Malta tal-bowling taħt it-23 sena huwa Philip Gruppetta li mhux biss irnexxilu jegħleb il-kundizzjonijiet intellettwali tiegħu iżda anke l-kompetizzjoni ta’ żgħażagħ oħrajn bla diżabbiltà. Din hi s-sitt darba…

Kultura

Id-Deputat Speaker Claudette Buttigieg inawgurat il-wirja ‘Jiddefendu l-Libertajiet Tagħna’ f’għeluq it-tletin sena tal-Premju Andrei Sakharov għal-Libertà tal-Ħsieb. Andrei Sakharov (1921-1989) kien Russu, bniedem għaref, xjentist kbir, studjuż u awtorità fil-fiżika. Għalkemm meqjus…

Lokali

Fl-ewwel disa’ xhur ta’ din is-sena ftit aktar minn ħames mija u ħamsin pazjent marru għall-kura barra minn Malta. TVM iltaqa’ ma’ Helen Caruana li tinsab Londra tistenna trapjant tal-fwied u…

Aktar