Barranin
ARA: Qed iżżomm jgħixu magħha mal-50 farfett il-lejl

Magħrufa bħala flying foxes; razza ta’ friefet il-lejl, l-Awstraljana Janine Davies għandha mhux inqas minn ħamsin wieħed jgħixu magħha.

In-nirien kastrofiċi li ħakmu lil dan il-pajjiż kontinent fl-aħħar xhur, għamluha impossibli għal ħafna annimali u tjur li jkomplu jgħixu fl-abitat tagħhom – issa maħruq u meqrud bin-nar. Dan ġegħlhom jimxu, jew fil-każ tal-friefet il-lejl itiru lil hinn mid-dar naturali tagħhom biex isibu kif jistgħu jsalvaw ġildhom band’oħra.

“It’s basically catastrophic. I mean the fire has just literally gone down the whole east coast of Australia and they just continuing to burn, I was shocked that all the area I collect blossoms for these little guys is gone, it’s nothing but burnt sticks,” qalet Janine Davies.

Janine Davies kienet waħda minn eluf ta’ voluntiera li xammru l-kmiem biex jgħinu lill-ispeċi tal-annimali milquta min-nirien, u issa qed tħabbat wiċċha ma’ mewġa wara l-oħra ta’ friefet il-lejl li spiċċaw għall-kenn fi bnadi differenti tal-Awstralja. Davies hija wkoll il-kordinatur fis-santwarju tal-ħarsien tal-friefet il-lejl, meqjusa bħala vulnerabbli bil-popolazzjoni tagħhom dejjem tonqos.

“People have got to not be ignorant, we don’t go out and pollinate forests, these guys do, and we need to do all we can to make them survive.”

Ingham, belt fi Queensland, spiċċat infestata b’qatgħet ta’ friefet il-lejl ksew il-parks, tant li friegħi tas-sigar spiċċaw jinqasmu bit-toqol tagħhom. Il-preżenza ta’ qatgħa wara l-oħra ta’ friefet il-lejl ġegħlet anke helikopters li jtiru fuq Ingham ifittxu rotta oħra.

Fl-istat ta’ Queensland, il-friefet il-lejl huma protetti u anke jekk din l-infestazzjoni ħarbtet il-komunità ta’ Ingham, ir-residenti tal-belt iridu joqgħodu wkoll attenti li ma jdabbrux xi girfa jew gidma minn dawn il-friefet il-lejl għax jistgħu jispiċċaw ħażin.

Aħbarijiet Oħra
Barranin

Għat-tielet ġurnata infila, iċ-Ċina ħabbret tnaqqis f’każijiet ġodda ta’ infezzjonijiet mill-coronavirus. L-awtoritajiet irrapportaw 2,009 każi ġodda u 142 mewt fil-pajjiż. Aktar kmieni din il-ġimgħa kien hemm żieda fil-każi ġodda wara…

Barranin

Il-Qatar miexi biex jistabilixxi rekord ġdid bħala l-iżgħar pajjiż li qatt organizza t-tazza tad-dinja, anke jekk il-klima sħuna tal-Qatar u l-fatt li m’għandux tradizzjoni kbira tal-futbol jagħmlu din il-missjoni iktar…

Mużika

Mill-Eurovision Song Contest li għadda ‘l hawn, Michela Pace ħadmet qatigħ, bil-għan li tkompli timraħ fix-xena mużikali. U, proprju f’Jum San Valentinu, frott l-għadd ta’ sagrifiċċji li Michela għamlet, il-kantanta…

Barranin

Filmat miġbud taħt il-baħar juri xena kommoventi ta’ għaddasa Taljani li għenu kelb il-baħar kbir fil-Maldivi. L-għaddasa kienu qegħdin viċin il-gżira Fuvahmulah, meta ltaqgħu ma’ whale shark ta’ madwar 4…

Aktar