Lokali
Ara: Qtates ta’ razza rari fil-Malta Pet Expo

Mal-mitejn kelb u qattus ta’ razez differenti, fniek, għasafar u rettili ġew esibiti fl-ewwel Malta Pet Expo. Għal din l-expo, minbarra ġurija barranin, ġew biex jikkompetu sidien ta’ qtates barranin, b’razez li ma jeżistux f’Malta.

Min iħobb l-annimali kellu xalata fl-ewwel pet expo organizzata f’Malta għax seta’ japprezza razez varji ta’ qtates, klieb, fniek, għasafar u rettili f’post wieħed.

Sidien ta’ klieb u qtates b’razez puri kkompetew bl-annimali tagħhom li jgħożżu b’tant żelu u li għalihom jiddedikaw ħafna ħin u riżorsi. Razez tal-qtates eżotiċi li qed isiru popolari huma l-Bengal, il-British Short Hair, qtates persjani, u qtates tar-razza Serbian.

Kevin Charles Micallef, l-organizzatur ta’ din l-expo li saret f’Monte Kristo, qal li ġew apposta minn barra sidien ta’ qtates li jrabbu razez li f’Malta ma jeżistux, fosthom ir-razza Somali u r-razza Abyssinian. “Barranin li gew jippartecipaw fil-wirja tal-qtates, mir-Russja, Greċja, Ġermanja, Italja u Bulgarija.”

Fis-sezzjoni tal-klieb organizzata mill-Malta Canine Society sibna sidien ta’ klieb li kkompetew f’diversi kategoriji, li jirrikjedu ħafna taħriġ mal-klieb taghhom. Fost il-klieb kien hemm Irish Setter, klieb tal-kacca, Cocker Spaniel, u Gordon Setter.

Barra razez varji ta’ fniek, il-Malta Pet Expo tat spazju lir-rettili, fosthom sriep u dak li jissejjah Tegu, li qisu gremxula kbira ħafna li tinsab l-iżjed fl-Arġentina u fil-pajjiżi tal-Amerika t’Isfel.

Aħbarijiet Oħra
Budget

Għada se jitħabbar it-tieni budget ta’ din il-leġislatura mill-Ministru tal-Finanzi Edward Scicluna. Filmat imxerred fuq il-mezzi soċjali ġie spjegat l-għan tal-Budget, li jgħolli l-kwalità tas-servizzi li joffri l-Gvern fosthom dawk tas-saħħa…

Ikel

Ħafna jiħduh bħala duwa meta jkollhom uġigħ fi griżmejhom jew għal taqlib fl-istonku, oħrajn iżiduh mal-kafè jew mat-te. Qed nirreferu għall-ġulepp tal-ħarrub li jissajjar bħal daż-żmien, hekk kif tibda toqrob…

Ġurnali

Ħarsa lejn l-istejjer ewlenin fil-ġurnali tal-lum The Sunday Times Fuq il-faċċata storja b’ritratt li tgħid li bini tal-Gvern fi Xrobb l-Għaġin li qabel kien jintuża mill-ex Prim Ministru Dom Mintoff…

Aktar